आजच्या जगात सोशल मीडियाशिवाय जीवनाची कल्पनाही करता येत नाही. हेच ते माध्यम आहे ज्याच्या मदतीने आज आपण आपल्या मित्र-मैत्रिणींचा, नातेवाईकांशी संपर्क ठेवतो, नोकरी मिळवतो, शॉपिंग करतो आणि आपले मनोरंजन करतो. सोशल मीडियाचा हा एक चांगला पैलू आहे, पण त्याचे अनेक दुष्परिणामही आहेत. तुम्ही इतके विनामूल्य आनंद घेऊ शकता आणि सोशल मीडियावर इतके फायदे मिळवू शकता कारण तुम्ही त्यांचं उत्पादन आहात.

सोशल मीडिया कंपन्या प्रत्येक क्षणी तुमच्या आवडी-निवडीचे मूल्यांकन करतात आणि तुमचा संपूर्ण यूजर एक्सपिरियन्स याच आधारावर तयार केला जातो. त्यामुळे सोशल मीडियाचा वापर करताना काही गोष्टी लक्षात ठेवल्या तर तुमचा पर्सनल डेटा तर सुरक्षित राहीलच, पण तुमचा अनुभवही उत्तम राहील.

1. टू फॅक्टर ऑथेंटिकेशन

सोशल मीडियावरील टू फॅक्टर ऑथेंटिकेशन (2FA) हे सुरक्षा कवच आहे, ज्यामध्ये प्रवेश करणे सोपे नाही. हे अनेबल केले असल्यास, तुमचा पासवर्ड हॅक झाला असला तरीही, इतर ऑथेंटिकेशन असल्याशिवाय कोणीही तुमच्या अकाउंट मध्ये प्रवेश करू शकत नाही.

2. प्रायव्हसी सेटिंग्ज

सोशल मीडियावर तुमचा पर्सनल डेटा सुरक्षित ठेवणारा पहिला गार्ड तुमच्या फोनवर आणि त्या सोशल मीडिया प्लॅटफॉर्मवर दिलेली प्रायव्हसी सेटिंग्ज आहे. वेळोवेळी आणि प्रत्येक अपडेटनंतर ही प्रायव्हसी सेटिंग्ज तपासत रहा. त्या प्लॅटफॉर्मवर तुमच्या पोस्ट कोण पाहते ते पहा? त्यानुसार सेटिंग बदला.

३. मित्रांवरही विश्वास ठेवू नका

आजकाल आपण इतके जागरूक झालो आहोत की अनोळखी व्यक्तींनी पाठवलेल्या चॅट्स किंवा लिंक्स आपण ओपन करत नाही. त्यामुळे आता हॅकर्सनी दुसरा मार्ग अवलंबला आहे. ते मित्राचे सोशल मीडिया अकाउंट हॅक करतात आणि नंतर तुमचे. हे सर्व चॅट किंवा हायपरलिंकच्या मदतीने घडते.

चॅटमध्ये तुम्हाला काहीतरी डाउनलोड करण्यास किंवा लिंकवर क्लिक करण्यास सांगितले जाईल, जी कदाचित तुमच्या 'मित्राने' पाठवली असेल. तुम्हाला वाटेल की तुमच्या मित्राने ते पाठवले आहे, म्हणून तुम्ही त्यावर क्लिक कराल किंवा डाउनलोड कराल. बस्स, तुम्हीही फसणार. त्यामुळे थोडासाही संशय आल्यास किंवा सोशल मीडिया किंवा चॅटवर तुमचा मित्र विचित्रपणे वागत आहे असे तुम्हाला वाटत असेल तर सावध व्हा.

4. इनॲक्टीव्ह मित्रांच्या अकाउंटवर लक्ष ठेवा

सोशल मीडियावरील तुमची फ्रेंड लिस्ट वाढत जाते, त्यापैकी काहींना तुम्ही ओळखता, परंतु फ्रेंड लिस्टमध्ये असे बरेच लोक आहेत ज्यांना तुम्ही भेटलेले नसता किंवा त्यांच्याशी तुम्ही दररोज संवाद साधत नाही. बरेच लोक निष्क्रिय आहेत. त्यामुळे अशा मित्रांना दर दोन महिन्यांनी एकदा तुमच्या फ्रेंडलिस्टमधून काढून टाका. हॅकर्स प्रथम अशा निष्क्रिय अकाउंटचा ताबा घेतात आणि नंतर त्यांच्याद्वारे आपले खाते हॅक करण्याचा प्रयत्न करतात.

5. शेअर करण्यापूर्वी दोनदा विचार करा

एकदा इंटरनेटवर आलेली कोणतीही गोष्ट पूर्णपणे हटविणे खूप कठीण आहे. म्हणूनच तुमची सर्वात वैयक्तिक माहिती सोशल मीडियावर कधीही पोस्ट करू नका. जसे की घराचा पत्ता, फोन नंबर किंवा आर्थिक डेटा. फोटो आणि व्हिडिओ शेअर करताना आधी या सगळ्याचा विचार करा.