Tax SMS Scam : आजकाल सायबर गुन्ह्यांची संख्या वाढली आहे. त्यामुळ कोणतेही ऑनलाईन ट्रान्सफर करताना काळजी घेण्याबद्दल सांगण्यात येते. सध्या लोकांची फसवणूक Income Tax रिटर्न भरणाऱ्यांची होत आहे. हा एक मोठा ग्रूप आहे जो Tax Return भरणाऱ्यांच्या मागे हात धुवून लागला आहे.  

फसवणूक करणाऱ्या या हॅकर्सनी फसवण्याचा नवा मार्ग शोधला आहे. ऑनलाइन बँक घोटाळे काही नवीन नाहीत आणि गेल्या काही वर्षांत अशा प्रकरणांमध्ये झपाट्याने वाढ झाली आहे. केवायसी, क्रेडिट कार्ड किंवा बँक अपडेटशी संबंधित बनावट संदेशांद्वारे घोटाळेबाज लोकांची फसवणूक करतात.

ते विशेषत: पॅन Update किंवा Linkकरणाऱ्या लोकांना टार्गेट करतात. बनावट पॅन अपडेट घोटाळ्याप्रमाणेच एक नवा घोटाळा व्हायरल होत आहे. ज्यामध्ये घोटाळेबाज Income tax returns चा फॉर्म भरण्यात व्यस्त असलेल्या लोकांना लक्ष्य करत आहेत.

फसवणूकीत सध्या सुरू असलेल्या Income Tax प्रक्रियेचा फायदा घेत असून कर-वेळ तस्करी मोहिमेद्वारे भारतीय खातेदारांना टार्गेट करत आहेत. ते लोकप्रिय भारतीय बँकांच्या नावाने बँक खातेदारांना फसवे मजकूर संदेश पाठवत आहेत, ज्याचा उद्देश वापरकर्त्यांना त्यांचे खाजगी माहिती देण्यासाठी फसवले जात आहे.

सोफोसच्या अहवालानुसार, हे टोळके लोकांचे बँक खाते ब्लॉक केले जाईल असा दावा करणारे बनावट मजकूर संदेश पाठवत आहेत आणि त्यांना त्यांच्या खात्यात पॅन आणि आधार कार्ड माहिती Update करण्यास सांगत आहेत.

या मजकूर संदेशांमध्ये अँड्रॉइड पॅकेज (एपीके) फाइल डाउनलोड करण्याची लिंक देखील समाविष्ट आहे. एपीके फाईलला जोडलेले अॅप इन्स्टॉल केले तर ते अगदी रिअल बँक अॅपसारखे दिसते. या बनावट अॅपच्या माध्यमातून पैसे चोरण्यासाठी युजर्सना फसवून त्यांचे बँकिंग डिटेल्स फेक अॅपमध्ये टाकले जातात.

"हे केवळ प्राप्तकर्त्यांचाच नव्हे तर बँक ब्रँडचा देखील गैरवापर करते. APK नंतर प्राप्तकर्त्याचे लॉगिन, पासवर्ड, डेबिट कार्ड नंबर आणि एटीएम पिन मिळविण्याचा प्रयत्न करते. यावेळी सावधगिरी बाळगणे महत्त्वाचे आहे. कारण आयकर रिटर्न भरण्याच्या कालावधीत ऑनलाइन बँकिंग किंवा बँकिंग अॅप्सद्वारे त्यांचे खाते तपशील तपासताना लोक अशा बनावट संदेशांना खरे समजून एसएमएस म्हणून चुकीचे समजू शकतात.

टॅक्स-टाइम स्मिशिंग स्कॅम म्हणजे काय?

घोटाळे करणारे Income Tax Returns भरण्याच्या कालावधीत लोकांना लक्ष्य करतात. स्कॅमर प्राप्तकर्त्याच्या बँकेकडून असल्याचा दावा करणारे बनावट मजकूर संदेश पाठवतात. आणि Android पॅकेज (APK) फाइल डाउनलोड करण्यासाठी लिंक देतात. एकदा इंस्‍टॉल केल्‍यावर, एपीके एक बनावट बँक लॉगिन पृष्‍ठ उघडते. जे अगदी Original सारखे दिसते.

यातून कशी सुटका करून घ्याल

• तुमच्या बँकेचा असल्याचा दावा करणाऱ्या आणि वैयक्तिक किंवा आर्थिक तपशील विचारणाऱ्या मजकूर संदेशांपासून सावध रहा. तुमचे वैयक्तीक डिटेल्स मागण्यासाठी बँक कधीही सोशल मीडियाद्वारे संपर्क साधणार नाही.

• कोणताही संदेश आल्यास तो तपासा. तो उघडतानाही सावधगिरी बाळगा आणि कोणत्याही फाइल्स उघडण्यापूर्वी किंवा डाउनलोड करण्यापूर्वी तो संदेश खरा असल्याचे तपासा.

• तुम्हाला असा कोणताही अनपेक्षित संदेश प्राप्त झाल्यास "बँक" किंवा इतर सेवा प्रदाता, बँक अधिकार्‍यांशी थेट फोनवर किंवा सुरक्षित वेबसाइट किंवा अॅपद्वारे किंवा जवळच्या शाखेला भेट देऊन संपर्क साधा.

• तुम्हाला असे एसएमएस मिळाल्यास तुम्ही संलग्नक म्हणून ईमेल किंवा एसएमएसची प्रत पाठवून घोटाळ्याची phishing@irs.gov वर तक्रार करू शकता.