Tech Tips : गेल्या काही वर्षात महागाईचा भस्मासुर वाढलाय. या काळात वीजेची बिलं पण खूप जास्त येत आहेत. कितीही काटकसर केली तरी वीजेच्या बिलावरील आकडे पाहूनच सामान्य माणसाला धडकीच भरते. या प्रकरणी अनेकदा तक्रारी केल्या जातात. पण बिल मात्र दिवसेंदिवस वाढतंच चाललं आहे. दरम्यान हे वाढते बिल कमी करण्यासाठी व विजेची बचत व्हावी यासाठी काही आयडिया वापरात येऊ शकतात. जसं की वीज न वापरता तुम्हाला तुमचा स्मार्टफोन चार्ज करता येऊ शकतो.

विजेशिवाय स्मार्टफोन चार्ज करण्यासाठी तुम्हाला एक डिव्हाईस विकत घ्यावं लागेल. हे डिव्हाईस दुसरं तिसरं काही नसून सोलर बँक आहे. मार्केट मध्ये अवघ्या दोन हजारात ही बँक उपलब्ध आहे.सोलर पॉवर बँक चार्ज करण्यासाठी वीज लागत नाही. तुम्ही सूर्यप्रकाशाच्या मदतीने ती चार्ज करू शकता. ही बँक अगदी सामान्य पॉवर बँक सारखी असते. यात चार्जिंगसाठी सोलर पॅनलही आहे.

हे डिव्हाईस काही तास सूर्यप्रकाशात चार्जिंगसाठी ठेवल्यानंतर तुम्ही तुमचा स्मार्टफोन चार्ज करू शकता. एवढंच नाही तर तुम्ही यावर इअरबड्स, नेकबँड, लॅपटॉप आदी गोष्टीही चार्ज करू शकता. सोलर पॅनेलमुळे सोलर पॉवर बँकेचं वजन सामान्य पॉवर बँकेपेक्षा थोडं जास्त असतं. तुम्ही ही पॉवर बँक Amazon किंवा Flipkart वरून खरेदी करू शकता. त्याची किंमत 2 हजार रुपयांपर्यंत आहे.