Airtel Prepaid Plans : दूरसंचार कंपनी एअरटेलने त्यांच्या प्रीपेड कस्टमरसाठी नवे प्लॅन्स आणले आहेत. जर तुम्ही देखील Airtel चं कार्ड वापरत असाल तर तुमच्यासाठी सोने पे सुहागा अशा काही ऑफर्स आहेत. एअरटेल त्यांच्या कस्टमरला अनलिमिटेड कॉलिंग, मॅसेज शिवाय Disney Plus Hotstar चं फ्री सबस्क्रिप्शन देत आहे. जाणून घ्या कसं ते...

एअरटेल 399 प्लॅन

या प्लॅनमध्ये 2.5 GB डेटा, अनलिमिटेड कॉलिंग आणि 100 SMS दररोज मिळतात. याशिवाय 399 रुपयांच्या या प्लॅनमध्ये तुम्हाला 28 दिवसांची वैधता आणि 3 महिन्यांसाठी Disney Plus Hotstar मोबाइलवर मोफत बघता येतं. डिस्ने प्लस हॉटस्टार व्यतिरिक्त, अपोलो 24/7 च्या सदस्यत्वाचा लाभ देखील घेता येतो.

एअरटेल 499 प्लॅन

499 रुपयांच्या या प्लॅनमध्ये तुम्हाला 28 दिवसांसाठी दररोज 3 GB हाय स्पीड डेटा, तसेच कोणत्याही नेटवर्कवर मोफत कॉलिंग सुविधा आणि दररोज 100 एसएमएस मिळतात. या प्लॅनसह, तुम्हाला 3 महिन्यांसाठी Disney Plus Hotstar चं फ्री सबस्क्रिप्शन मिळतं.

एअरटेल 839 प्लॅन

किमान 84 दिवसांची वैधता असलेला प्लॅन हवा असेल, तर 839 चा प्लॅन तुमच्यासाठी बेस्ट आहे. या प्लॅनमध्ये तुम्हाला 2 GB हाय स्पीड डेटा, कोणत्याही मोफत लोकल आणि एसटीडी कॉलिंगचा लाभ शिवाय 3 महिन्यांसाठी Disney Plus Hotstar चं मोफत सबस्क्रिप्शन मिळेल. पण इथे एक गोष्ट लक्षात घेण्यासारखी आहे की, 239 रुपयांच्या वर जे काही प्लॅन्स आहेत त्या सर्व एअरटेल प्लॅनवर, कंपनी 5G डेटा ऑफर करत आहे