थोडक्यात..

• १० हजारपेक्षा कमी किंमतीतही दमदार 5G स्मार्टफोन सहज उपलब्ध आहेत.

• बॅटरी, कॅमेरा आणि परफॉर्मन्स या बाबतीत हे फोन्स उत्तम ठरतात.

• Redmi, Samsung आणि Vivo सारखे ब्रँड्स या बजेटमध्ये स्पर्धात्मक फीचर्स देत आहेत.

स्मार्टफोनच्या जगात दररोज काहीतरी नवीन घडत असते. पूर्वी चांगले फीचर्स मिळवण्यासाठी मोठं बजेट लागत असे, मात्र आता फक्त १० हजारच्या आतही दमदार स्मार्टफोन मिळतात. विशेषतः 5G नेटवर्क उपलब्ध झाल्यापासून अनेक ब्रँड्सनी कमी किमतीतही उत्तम पर्याय बाजारात आणले आहेत. सॅमसंग, रेडमी, iQOO, Vivo आणि पोकोसारख्या कंपन्यांनी खिशाला परवडणारे, तरीही प्रीमियम फीचर्स देणारे स्मार्टफोन सादर केले आहेत.

जर तुमचं बजेट १० हजारपर्यंत असेल आणि तुम्हाला चांगली बॅटरी, उत्तम कॅमेरा आणि 5G कनेक्टिव्हिटी असलेला फोन हवा असेल, तर खालील 'टॉप 5' पर्याय नक्की पाहा

Samsung Galaxy M06 5G (7,999 रुपये)

सॅमसंगचा हा फोन 6.7-इंच PLS LCD डिस्प्लेसह 90Hz रिफ्रेश रेटमध्ये येतो. यात MediaTek Dimensity 6300 प्रोसेसर, 4 GB/6 GB RAM आणि 5000 mAh बॅटरी आहे. 50 MP चा प्रायमरी कॅमेरा असून, गेमिंग, व्हिडिओ कॉल्स आणि डाउनलोडिंगमध्ये ही डिव्हाईस उत्कृष्ट परफॉर्मन्स देते.

iQOO Z10 Lite 5G (9,998 रुपये)

हा फोन Android 15 बेस असलेल्या Funtouch OS 15 वर चालतो. 6.74 इंचाचा डिस्प्ले, Dimensity 6300 प्रोसेसर, 4 GB RAM आणि 128 GB स्टोरेज मिळते. 6000 mAh ची मोठी बॅटरी आणि 50 MP Sony AI कॅमेरा असून AI Erase, AI Photo Enhance आणि Document Mode यांसारख्या स्मार्ट फिचर्स देण्यात आले आहेत.

Vivo T4 Lite 5G (9,999 रुपये)

या स्मार्टफोनमध्ये 4 GB RAM आणि 128 GB स्टोरेजसोबत 6.74 इंच HD+ डिस्प्ले आहे. 50 MP + 2 MP ड्युअल रिअर कॅमेरा आणि 5 MP फ्रंट कॅमेरा दिला आहे. 6000 mAh बॅटरी आणि Dimensity 6300 प्रोसेसरमुळे हा फोन मल्टीटास्किंगसाठी खास आहे.

Redmi A4 5G (9,416 रुपये)

6.88-इंचाच्या मोठ्या डिस्प्लेसह Redmi A4 मध्ये 4 GB RAM आणि 128 GB स्टोरेज आहे. 5160 mAh बॅटरी आणि 50 MP चा रिअर कॅमेरा यामुळे हा फोन दीर्घकाळ टिकतो. Android Oxygen 14 वर चालणारा हा फोन एक चांगला बजेट ऑप्शन आहे.

Redmi 13C 5G (9,999रुपये)

Redmi चा हा फोन 6.74 इंच डिस्प्ले, 50 MP रिअर कॅमेरा आणि 5 MP फ्रंट कॅमेरासह येतो. 4 GB RAM, 128 GB स्टोरेज आणि Dimensity 6100+ प्रोसेसर यामुळे हा फोन गेमिंग आणि सोशल मीडिया साठी उत्तम आहे.

FAQs

1. १० हजारच्या आत सर्वात चांगला 5G स्मार्टफोन कोणता आहे?
   Samsung Galaxy M06 5G आणि iQOO Z10 Lite 5G हे दोन्ही फोन यादीत आघाडीवर आहेत.

2. या स्मार्टफोन्समध्ये मोठी बॅटरी कोणत्या फोनमध्ये आहे?
   iQOO Z10 Lite आणि Vivo T4 Lite मध्ये 6000 mAh ची दमदार बॅटरी आहे.

3. या सर्व स्मार्टफोन्समध्ये 5G कनेक्टिव्हिटी आहे का?
   होय, हे सर्व फोन्स 5G सक्षम आहेत.

4. या स्मार्टफोन्समध्ये गेमिंगसाठी योग्य फोन कोणता?
   Redmi 13C 5G आणि Samsung Galaxy M06 5G हे गेमिंगसाठी चांगले पर्याय आहेत.