Truecaller Scamfeed : भारतात दिवसेंदिवस डिजिटल फसवणुकीचे प्रकार वाढत असताना Truecaller ने एक महत्वाचे पाऊल उचलले आहे. त्यांनी 'Scamfeed' नावाचं नवं फिचर लाँच केलं असून हे केवळ तांत्रिक नवकल्पनाच नाही तर फसवणुकीविरोधात उभ्या राहणाऱ्या जनतेच्या सहभागाने तयार झालेलं एक लाईव्ह प्लॅटफॉर्म आहे.

Scamfeed म्हणजे नेमकं काय?

Truecaller अ‍ॅपमध्ये समाविष्ट केलेलं हे एक नवीन सेक्शन आहे जिथे वापरकर्ते फसवणुकीचे प्रकार रिपोर्ट करू शकतात, अनुभव शेअर करू शकतात आणि इतरांनी दिलेले अलर्ट वाचू शकतात. हे OTP फ्रॉड, फेक जॉब ऑफर्स, फिशिंग कॉल्स, UPI घोटाळे, रोमँस स्कॅम्स यांसारख्या अनेक प्रकारांवर आधारित असतं.

Scamfeed मधील महत्त्वाचे फीचर्स

1. स्कॅम रिपोर्टिंग
   वापरकर्ते साध्या मजकुरासह स्क्रीनशॉट्स किंवा व्हिडीओ वापरून स्कॅम रिपोर्ट करू शकतात,यासाठी कोणतीही तांत्रिक कौशल्याची गरज नाही.

2. गोपनीयता जपली जाते
   वापरकर्ते आपलं नाव न दर्शवता (Anonymous) रिपोर्ट करू शकतात, त्यामुळे सुरक्षिततेचा पूर्ण विचार ठेवला जातो.

3. थेट आणि रिअल-टाइम इशारे
   Scamfeed हे एक प्रकारचं डिजिटल वॉच ग्रुप आहे, जिथे स्कॅमबद्दलचे इशारे थेट मिळतात.

4. समूह संवाद आणि चर्चासत्र
   इतर वापरकर्ते कमेंट करून आपले अनुभव, शंका किंवा स्पष्टीकरण शेअर करू शकतात ज्यामुळे एक लाइव्ह मार्गदर्शक तयार होतो.

5. WhatsApp, Telegram वर शेअर करता येणारी माहिती
   एका क्लिकमध्ये ही तुमच्या मित्रपरिवारात शेअर करता येतात जेणेकरून इतरांनाही धोका टाळता येईल.

भारतातला पहिला 'डिजिटल स्कॅम शील्ड'

सध्या फेक “Amazon” कॉल्स, सेलेब्रिटी इम्पर्सोनेशन, बनावट नोकऱ्यांचे ऑफर्स यांसारखे प्रकार फारच सामान्य झाले आहेत. Scamfeed वापरून वापरकर्ते अशा स्कॅम मेसेजेसचे नमुने, वापरलेली भाषा, स्कॅम लिंकचे धोकादायक स्वरूप याबद्दल लगेच शिकू शकतात.

Truecaller चं हे नवं फिचर म्हणजे भारतातील प्रत्येक स्मार्टफोन वापरकर्त्याला सक्षम बनवण्याचं पाऊल आहे.