गुगल प्ले स्टोअरवरील अॅप्स आपण सहसा सुरक्षित समजून डाऊनलोड करतो. मात्र, यामध्ये देखील कधी कधी मालवेअर असणारे अॅप्स दिसून येतात. असाच एक प्रकार आता समोर आला आहे. तब्बल १५ लाख लोकांनी डाऊनलोड केलेल्या दोन अॅप्समध्ये चक्क चिनी स्पायवेअर आढळून आलं आहे.
मोबाईल सिक्युरिटी कंपनी असलेल्या प्राडेओने ही माहिती समोर आणली आहे. या कंपनीने जारी केलेल्या रिपोर्टनुसार, 'फाईल रिकव्हरी अँड डेटा रिकव्हरी' आणि 'फाईल मॅनेजर' असे हे दोन अॅप्स आहेत.
हे अॅप्स यूजर्सची गोपनीय माहिती चोरून ती चीनमध्ये असलेल्या सर्व्हर्सकडे पाठवत असल्याची माहिती समोर आली आहे. गुगलच्या प्ले स्टोअरवर खरंतर 'नो डेटा कलेक्शन' पॉलिसी आहे. मात्र, या अॅप्सनी यातून छुपी वाट काढून यूजर्सचा डेटा चोरल्याचं स्पष्ट झालं आहे.
कोणता डेटा चोरला?
या दोन्ही अॅप्सनी मिळून यूजर्सची कॉन्टॅक्ट लिस्ट, मीडिया फाईल्स, रिअल टाईम लोकेशन, नेटवर्क डीटेल्स, ऑपरेटिंग सिस्टीम आणि मोबाईल डिव्हाईसची माहिती चीनला पाठवलं आहे. चीनमधील केवळ एका नाही, तर वेगवेगळ्या सर्व्हर्सना ही माहिती पाठवली जात होती.
एका दिवसात शेकडो वेळा डेटा ट्रान्सफर केला जात होता. यासाठी हे अॅप्स यूजर्सना विविध प्रकारच्या परमिशन मागायचं. यूजर्सनी ही परवानगी दिल्याशिवाय अॅप्सचा वापरच करता येत नव्हता. शिवाय, हे अॅप्स अनइन्स्टॉल करण्याची प्रक्रिया देखील किचकट करून ठेवल्यामुळे यूजर्सना ते लवकर काढताही येत नाहीत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.