Upcoming Smartphones 2022 list : जर तुम्हीही नवीन स्मार्टफोन घेण्याचा विचार करत असाल, तर तुम्ही थोडी वाट पाहणे फायदेशीर ठरणार आहे कारण जानेवारीच्या पहिल्या आठवड्यात भारतात आणि जागतिक स्तरावर अनेक नवीन दर्जेदार स्मार्टफोन लॉन्च होणार आहेत. Vivo, Xiaomi आणि iQOO सारख्या कंपन्यांचे स्मार्टफोन जानेवारीच्या पहिल्या आठवड्यात लॉन्च होतील. Xiaomi च्या फोनसोबत 120W चार्जिंग उपलब्ध होणार आहे, तर Vivo च्या फोनला iPhone 13 सीरीज आणि ड्युअल सेल्फी कॅमेरा सारखे डिझाइन मिळणार आहे.

Realme GT 2 सीरीज

Realme GT 2 सीरीज 4 जानेवारी रोजी लॉन्च होणार आहे. ही सीरीज Snapdragon 8 Gen 1 प्रोसेसरसह सादर केली जाईल. कंपनीने त्याच्या डिझाइनची माहिती दिली आहे. त्यामध्ये असे म्हटले जाते की, या सीरीजचे डिझाइन हे अद्वितीय असेल आणि यात अल्ट्रा वाइड बँड हायपरस्मार्ट अँटेना स्विचिंग सिस्टम मिळेल, जी ग्राहकांना 360 डिग्री कनेक्टिव्हिटी देईल. Realme GT 2 Pro मध्ये ट्रिपल रीअर कॅमेऱ्यासह 6.7-इंचाचा फुल HD+ AMOLED डिस्प्ले आणि 12 GB पर्यंत RAM मिळेल.

iQOO 9 सीरीज

iQOO 9 सीरीज 5 जानेवारी 2022 रोजी लॉन्च होणार आहे. यामध्ये स्नॅपड्रॅगन 8 Gen 1 प्रोसेसरस देखील या iQOO 9 सीरीज मध्ये उपलब्ध असेल. याशिवाय, फोनला 120Hz रिफ्रेश रेटसह 2K AMOLED डिस्प्ले मिळेल. फोनचे एक प्रो मॉडेल देखील असेल ज्यामध्ये प्रायमरी लेन्स 50 मेगापिक्सेल असेल.

Vivo V23 सीरीज

Vivo V23 सीरीज देखील भारतात 5 जानेवारी रोजी लॉन्च होणार आहे. या सीरीज अंतर्गत Vivo V23 आणि Vivo V23 Pro सारखे स्मार्टफोन लॉन्च केले जातील. Vivo ने फोनबद्दल कोणतीही खास माहिती दिलेली नाही, पण समोर आलेल्या टीझरनुसार फोनमध्ये Dimensity 1200 प्रोसेसर मिळेल. याशिवाय, iPhone 13 सीरीज प्रमाणे फ्लॅट एज डिझाइन देण्यात येईल आणि ड्युअल फ्रंट कॅमेरा उपलब्ध असेल. हा फोन 108 मेगापिक्सेल कॅमेरा आणि 44W फास्ट चार्जिंगसह लॉन्च केला जाऊ शकतो.

Xiaomi 11i हायपरचार्ज

Xiaomi 11i हायपरचार्जबद्दल सोशल मीडियावर वातावरण चांगलेच तापले आहे. हा फोन भारतात 6 जानेवारी 2022 ला लॉन्च होणार आहे. यामध्ये तुम्हाला 120W फास्ट चार्जिंग देण्यात येईल, कंपनीचा दावा आहे की फोन फक्त 15 मिनिटांत पूर्ण चार्ज होईल. Xiaomi 11i ला हायपरचार्जसह 120Hz रिफ्रेश रेट डिस्प्ले मिळेल आणि 108-मेगापिक्सेलचा ट्रिपल रिअर कॅमेरा सेटअप मिळेल.