WhatsApp delete for everyone feature : व्हॉट्सॲप आता एका नवीन अपडेटवर काम करत आहे ज्यामध्ये तुम्हाला दोन दिवसांनंतरही चॅटमध्ये पाठवलेला मेसेज डिलीट करता येणार आहे . रिपोर्टनुसार, व्हॉट्सॲप 'डिलीट फॉर एव्हरीवन' (Delete for Everyone) या फीचरची टाइमलाइन दोन दिवस आणि 12 तासांनी वाढवण्यावर काम करत आहे. म्हणजे मेसेज पाठवल्यानंतर दोन दिवसांनी युजर्स आता त्यांचे मेसेज डिलीट करू शकतील.

सध्या, Delete for Everyone हे फीचर फक्त एक तास, आठ मिनिटे आणि 16 सेकंदांसाठी आहे. याचा फायदा असा होईल की, लोक चुकून पाठवलेला मेसेज प्रत्येकासाठी बराच वेळ होऊन गेल्यावरही डिलीट करू शकतील.

WhatsApp बीटा ट्रॅकर WABetaInfo ने नवीन फीचरची माहिती दिली आहे. रिपोर्टनुसार, WhatsApp च्या Android आवृत्ती 2.22.410 वर डिलीट फॉर एव्हरीवन फीचरची नवीन वेळ मर्यादा टेस्टिंग केली जात आहे. नवीन अपडेटनंतर प्रत्येकासाठी व्हॉट्सॲपचे मेसेज डिलीट करण्यासाठी अडीच दिवसांचा अवधी असेल.

याआधी देखील असा दावा करण्यात आला होता की, व्हॉट्सॲप नवीन अपडेटवर काम करत आहे, त्यानंतर सात दिवसांनंतरही व्हॉट्सॲप मेसेज प्रत्येकासाठी डिलीट केले जाऊ शकतील, जरी हे अपडेट प्रत्येकासाठी किती कालावधीत जारी केले जाईल, याबद्दल कोणतीही स्पष्ट माहिती देण्यात आलेली नाही.

व्हॉट्सॲप एक कम्युनिटी फीचरचीही टेस्टींग करत आहे, जे एका काही ग्रुप्सचा ग्रुप प्रमाणेच असेल आणि या कम्युनिटीचा एक ॲडमिनही असेल. जो ही कम्युनिटी मॉडरेट करेल. जर एखाद्या ग्रुप मेंबरने ग्रुप सोडला, तर तो त्या कम्युनिटीशी जोडलेले इतर ग्रुप देखील पाहू शकणार नाही.

व्हॉट्सॲपच्या नवीन फीचरचा मागोवा घेणाऱ्या WABetaInfo ने सर्वप्रथम या फीचरची माहिती दिली आहे. रिपोर्टनुसार, वापरकर्ते त्यांच्या कम्युनिटीला नाव देखील देऊ शकतील. याशिवाय, कम्युनिटीचे अॅडमिन देखील त्यांच्या स्वतःच्या ग्रुपचे डिस्क्रिप्शन देखील हवे तसे देऊ शकतील.