Whatsapp : व्हाट्सअप नेहमीच आपल्या युजर्ससाठी नवनवीन फिचर लाँच करत असते. आता कंपनी आणखी एका नवीन फीचरवर काम करत आहे, ज्यामुळे आपल्याला आवडत्या चॅट्स शोधणे खूप सोपे होणार आहे.
आत्तापर्यंत Whatsapp वर फक्त तीन चॅट्स पिन (pin) करण्याची सुविधा होती. पण या नवीन अपडेटमध्ये तुम्ही तुमच्या सगळ्यात जास्त वापरण्यात येणाऱ्या चॅट्स आणि ग्रुप्सना "Favourites" (आवडते) म्हणून मार्क करू शकाल. यामुळे तुमच्या चॅट लिस्टमध्ये वरच्या बाजूला एक वेगळी "Favourites" फिल्टर दिसणार आहे. त्यामुळे तुम्हाला गरज असेल तेव्हा वारंवार चॅट्स शोधण्याची गरज भासणार नाही.
या फीचरची सर्वात महत्वाची गोष्ट म्हणजे तुम्हीच तुमच्या आवडत्या चॅट्स निवडू शकता. "Add to Favourites" (आवडत्यामध्ये जोडा) या पर्यायावर क्लिक करून तुम्ही कोणत्याही चॅटला या यादीमध्ये समाविष्ट करू शकता. तसेच तुम्हाला वाटेल तेव्हा तुम्ही या चॅट्सची लिस्ट बदलू शकता किंवा हटवूसुद्धा शकता.
अजूनही अपडेट्स येणार
Whatsapp फक्त याच नवीन फीचर्सवर काम करत नाही आहे. तर "Communities" (गट) या ऑप्शनमध्ये देखील सुधारणा करण्याचा प्रयत्न सुरु आहे. यामध्ये येणाऱ्या नवीन अपडेटमध्ये ग्रुप एडमिनला येणारी इव्हेंट्स (कार्यक्रम) आठवणीसाठी रिमाइंडर बनवण्याची सुविधा मिळणार आहे. त्यामुळे ग्रुप सदस्यांना महत्वाच्या कार्यक्रमांची माहिती अगोदरच मिळून जाईल.
याशिवाय Whatsapp Status मध्ये टाकण्यात येणारे व्हॉइस मेसेजेसची वेळही वाढवण्यात आली आहे. आता तुम्ही एक मिनिटाचे व्हॉइस मेसेज स्टेटัसवर अपलोड करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.