जर तुमचा हा दिवस फक्त ऑफिस आणि घरातील कामांमध्ये जात असेल. त्याने तूम्ही अगदी कंटाळला असाल तर  वर्षाच्या अखेरीस तुम्हाला मोकळा वेळ मिळणे हा तूमचा हक्क आहे. वर्षाचा शेवट गोड आणि अविस्मरणीय बनवण्यासाठी लोक अनेक ठिकाणी ट्रिपचे प्लॅन करतात. वर्षभराचे दु:ख, टेंशन बाजूला ठेऊन लोक एन्जॉय करतात.

नवीन वर्षात प्रवास करायचा असेल दिल्ली दूर नही है, असेच म्हणावे लागेल. कारण, खरंच वर्षाचा शेवट गोड करण्यासाठी दिल्लीतील काही ठिकाणांशिवाय बेस्ट पर्याय नाही. दिल्ली ते नोएडा प्रवासाचे नियोजन करणेही खूप सोपे आहे. कारण आज तुम्हाला अशाच काही ठिकाणांबद्दल जाणून घेऊयात जे दिल्लीपासून अवघ्या काही तासांच्या अंतरावर आहेत. जिथे तुम्ही तुमचे नवीन वर्ष साजरे करू शकता.

नैनिताल

नवीन वर्षात तुम्ही नैनितालला भेट देण्यासाठी जाऊ शकता. येथे जाण्यासाठी तुम्ही गाडीने किंवा ट्रेनने जाऊ शकता. ऑक्टोबर ते फेब्रुवारी या महिन्यांमध्ये नैनिताल खूपच नयनरम्य नजारे अनुभवायला मिळतात. येथे अनेक कॅफे, हॉटेल्स आणि होमस्टे आहेत. जिथे तुम्ही राहून येथील सौंदर्याचा लाभ घेऊ शकता.

राजस्थान

जर तुम्ही राजस्थानला गेला नसेल तर तुम्ही तुमच्या नवीन वर्षात तिथे भेट देऊ शकता. येथे जयपूर, उदयपूर ही सर्वात सुंदर शहरे आहेत. नवीन वर्षात नवीन उत्साह देणारी हि रंगीबेरंगी शहरं पाहणे आपल्यासाठी खूप मनोरंजक असेल.

तुम्ही दिल्लीहून राजस्थानला ५ तासांपेक्षा कमी वेळात आरामात पोहोचू शकता. इथे गेल्यावर तुमचे मन या ठिकाणच्या रंगात पूर्णपणे रंगून जाईल. इथल्या लोकसंगीताला आणि खाद्यपदार्थाला पर्याय नाही. येथून तुम्ही अप्रतिम बांधणी साड्या आणि दुपट्ट्यांची खरेदी करू शकता. तसेच इथे आलात तर भव्य किल्ले पाहायला विसरू नका.

मुक्तेश्वर

तुमचे नवीन वर्ष येथे साजरे केले तर तुम्ही आयुष्यभर येथील सुंदर क्षण विसरू शकणार नाही. दिल्लीपासून अवघ्या काही तासांच्या अंतरावर मुक्तेश्वर हे अतिशय लोकप्रिय ठिकाण आहे. भीमतालच्या आजूबाजूला पडणाऱ्या या शहराचे सौंदर्य तुम्हाला नवी उर्जा देईल. या काळात हिमालयाच्या पर्वतरांगा बर्फाच्छादीत झालेल्या असतात. त्यांचे सौंदर्य पाहण्यासारखे असते.