Travel Diaries : पर्यटन प्रेमींमध्ये कायमच काहीतरी नवीन बघण्याची क्रेज दिसून येते. रिव्हर्स वॉटरफॉलबाबत तुम्ही ऐकलंच असेल. मात्र त्याची मज्ज कधी जवळून अनुभवलीत काय? सडा वाघापूर अन्‌ "रिव्हर्स पॉईंट' अर्थातच उलटा धबधबा हे समीकरण अलिकडील काळात दृढ बनले आहे. आज आपण या ठिकाणाबाबत सविस्तर जाणून घेऊया.

इथली मजा अनुभवण्यासाठी, जलतुषार अंगावर घेण्यासाठी पर्यटक बहुसंख्येने इथे भेट देताना दिसतात. निसर्गाचे आगळे काैतुक म्हणजे सडा वाघापूर येथील "रिव्हर्स पॉईंट'. कड्यावरून खाली उतरणारे पाणी वायुवेगाने पुन्हा वर येते. वाऱ्याच्या प्रचंड दाबामुळे सुमारे 100 फुटांपर्यंत ते उलटे पठारावर फेकले जाते. त्यातून तयार होणारे पाण्याचे कारंजे चिंब करतात. उलट्या धबधब्याचा हा आविष्कार पूर्णतः वाऱ्याच्या दाबावर अवलंबून आहे. वाऱ्याचा दाब अधिक असल्यास अतिशय मोहक व डोळ्यांचे पारणे फेडणारा असा नजारा दृष्टीस पडतो.

येथील तारळे गावाला ऐतिहासिक संदर्भ आहेत शिवरायांच्या कन्या अंबिकाबाई या येथील राजे महाडिक घराण्याच्या सूनबाई. गावात काही जुने वाडेही पहावयास मिळतात. या पावसाळ्याच्या हंगामात भेट देणे कधीही चांगले. धबधबा पाहताना अबालवृद्ध, महिला यांची काळजी घ्यावी. पावसाळ्यात परिसर निसरडा असतो. (Amazing Tourist Places)

सध्या उन्हाळ्यात अनेक ठिकाणी पाऊसाचेच वातावरण दिसून येते. तेव्हा तुम्हाला एखाद्या विकेंडला अशा थ्रिलींग ठिकाणाचा अनुभव घ्यायचा असेल तर सडा वाघापूरचा हा रिव्हर्स पॉइंट अतिशय बेस्ट ठिकाण ठरेल.