Andhra pradesh drunk man viral video : आंध्र प्रदेशातील एम सिंगीपुरम गावात एक धक्कादायक घटना घडली आहे. येथे मद्यधुंद अवस्थेत एका व्यक्तीने वीज खांबावर चढून विजेच्या तारांवर झोपण्याचा प्रकार केला. 31 डिसेंबर रोजी घडलेल्या या घटनेचा व्हिडीओ सोशल मीडियावर व्हायरल झाला असून यामुळे सोशल मिडियावर खळबळ उडाली आहे.

वीज पुरवठा केला बंद

घटनेनंतर गावकऱ्यांनी तत्काळ वीजपुरवठा बंद केला आणि युवकाला खाली उतरवण्यासाठी समजूत काढली. ग्रामस्थांच्या सतर्कतेमुळे मोठा अनर्थ टळला. पोलिसांनी नंतर युवकाविरुद्ध गुन्हा दाखल केला आहे.

हा व्यक्ती कोण?

या व्यक्तीचे नाव यज्जाला वेंकन्ना असून तो व्यसनाधीन असल्याची माहिती आहे. वेंकन्ना याचे आपल्या आईशी वाद झाल्यानंतर त्याने जवळील दारूच्या दुकानात मोठ्या प्रमाणात मद्यसेवन केले आणि नंतर ही धाडसी कृती केली.

सोशल मीडियावर चर्चा आणि विनोद

या घटनेचा व्हिडीओ सोशल मीडियावर मोठ्या प्रमाणावर शेअर केला जात आहे. अनेकांनी यावर प्रतिक्रिया देत गावकऱ्यांच्या सतर्कतेचे कौतुक केले, तर काहींनी घटनेवर विनोदही केले.

एका युजरने म्हटले, "हे शक्य आहे, कारण त्याने वीजपुरवठा बंद केल्यानंतरच चढाई केली असेल."

दुसऱ्याने मिश्कील टिप्पणी केली, "हा आहे 90ML चा परिणाम!"

तिसऱ्या युजरने म्हटले, "भारत हे बेगेनर्ससाठी योग्य ठिकाण नाही!"

चौथ्याने विचारले, "तो जिवंत कसा राहिला?"

या घटनेनंतर गावकऱ्यांच्या सतर्कतेचे सर्वत्र कौतुक होत आहे. मात्र, पोलिसांनी अशा प्रकारच्या घटनांना प्रोत्साहन देणाऱ्या कृत्यांवर कडक कारवाईचा इशारा दिला आहे.

मद्याच्या आहारी जाण्याचे गंभीर परिणाम आणि अशा वादळासारख्या कृतींनी समाजाला होणाऱ्या त्रासाची जाणीव या घटनेने पुन्हा एकदा झाली आहे. योग्य वेळी हस्तक्षेप करणाऱ्या गावकऱ्यांनी मात्र मोठा अनर्थ टाळला आहे.