लग्न म्हटलं की सर्वांच्या आनंदाचा दिवस असतो. देशातील प्रत्येक ठिकाणी लग्नाची संकल्पना आणि पद्धत वेगळी असते. सध्या असाच एक व्हिडिओ सोशल मीडियावर व्हायरल झाला असून त्यामध्ये लग्न लागल्यानंतर नवरीने भर मंडपात गोळीबार केल्याचं दिसत आहे. हा व्हिडिओ अनेकांनी शेअर केला आहे.

हा व्हिडिओ उत्तरप्रदेशातील असल्याची माहिती असून हाथरस येथील एका लग्नानंतर नवरीनेच गोळीबार केला आहे. उत्तरप्रदेश आणि बिहारच्या काही भागात अशी गुन्हेगारी सतत होताना दिसत असते. तर अनेकदा तेथील गावातील पुढारीसुद्धा गोळीबार करत असतात. असे अनेक व्हिडिओ सोशल मीडियावर व्हायरल झाले आहेत.

दरम्यान, ट्वीटरवर शेअर करण्यात आलेल्या या व्हिडिओला नेटकऱ्यांनी चांगलंच शेअर केलं असून या विवाहितेवर कारवाई करावी अशी मागणी केली आहे. या घटनेनंतर पोलिसांनी सदर विवाहितेवर आणि इतरांवर कारवाई केली असून गुन्हा दाखल केला आहे.

रूपा पांडे असं विवाहितेचं नाव असून तिने तिच्या चुलत्याच्या लायसन्स असलेल्या बंदूकीतून गोळीबार केल्याचं पोलिसांनी सांगितलं आहे.