सोशल मीडियावर सध्या एका लहान बाळाचा व्हिडिओ व्हायरल झाला आहे. त्यामध्ये एक लहान मुलगा घराच्या खिडकीतील जाळीत अडकल्याचं दिसत आहेत. तर ही थरारक घटना कॅमेऱ्यात कैद झाली आहे. हा व्हिडिओ पाहून आपली झोप उडेल. हा व्हिडिओ सध्या चांगलाच शेअर केला जात आहे.

एखाद्या बाळाचे पालक किती बिनधास्त असावेत याचा हा नमुना. आपल्या बाळाकडे लक्ष ठेवणे हे सर्व आईसाठी जिकरीचे काम असते. पण काही वेळा हा हलगर्जीपणा जीवावर बेतू शकतो. व्हायरल होत असलेल्या व्हिडिओमध्ये एक लहान बाळ खिडकीत खेळत असताना त्याचा पाय खाली जातो आणि त्याचे मुंडके खिडकीत गुंतते.

दरम्यान, खालच्या घरातील खिडकीतून दोन तरूण या बाळाला वाचवण्यासाठी प्रयत्न करत आहेत. ते बाळ लटकलेलं असताना ते त्याच्या पायाला आधार देण्याचा प्रयत्न करत असतात. हे सगळं घडत असतान बाळ रडत असून बऱ्याच वेळानंतर त्याच्या पालकाने त्याला वर ओढून घेत बाळाला वाचवलं आहे. पण हा व्हिडिओ पाहून तुमच्या अंगावर काटा आल्याशिवाय राहणार नाही.