दिल्ली मेट्रोतील अनेक व्हिडिओ सोशल मीडियावर व्हायरल झाले आहेत. दिल्ली मेट्रोमध्ये सतरंजी घेऊन झोपणारे तरूण, डान्स करणाऱ्या तरूणी, प्रँक करणारे तरूण, किस करणारे जोडपे आणि अश्लील व्हिडिओ सोशल मीडियावर व्हायरल झाले होते. अशा वादग्रस्त व्हिडिओसाठी दिल्ली मेट्रो कायम चर्चेत असते.

सोशल मीडियावर दिल्ली मेट्रोमधील एक व्हिडिओ व्हायरल झाला असून त्यामध्ये एक तरूणी प्रवास करत असतानाच मशीन काढून आपल्या केसांचे स्ट्रेटनिंग करताना दिसत आहे. तर मेट्रोतील बोर्डलाच मशीन लावून तिचं हे काम सुरू आहे. ती हेअर स्ट्रेटनिंग करत असताना इतर प्रवाशी तिच्याकडे आश्चर्यचकित होऊन पाहताना दिसत आहेत.

दरम्यान, या व्हिडिओवर नेटकऱ्यांनी मजेशीर कमेंट केल्या असून दिल्ली मेट्रोचा स्वॅगच वेगळा असतो असं काही नेटकऱ्यांनी म्हटलं आहे. तर दिल्ली मेट्रोमध्ये काय चाललंय?, दिल्ली मेट्रोमध्ये आता फक्त स्वयंपाकच करायचा बाकी आहे अशा कमेंट नेटकऱ्यांनी केल्या आहेत. ट्वीटरवरून शेअर करण्यात आलेल्या या व्हिडिओला अनेकांनी लाईक शेअर केलं आहे.