Dog Ringing Bell Viral Video : हिंदू संस्कृतीत मंदिरातल्या घंटानादाला फार महत्व आहे. घंटेचा तो पवित्र नाद प्रत्येकालाच भक्तीरसाचा आनंद देतो. त्यात तल्लीन झालेले अनेक भक्तगण तुम्ही बघितले असतील. पण यात तल्लीन श्वानाला तुम्ही पाहिले आहात का?

सध्या असाच एक व्हिडीओ व्हायरल होत आहे. ज्यात घंटानादात तल्लीन झालेला एक कुत्रा आपल्याला दिसत आहे. पाळीव प्राण्यांचे अनेक व्हिडीओज व्हायरल होत असतात. त्यांचे कर्तब बघून बऱ्याचदा माणसाने काहीतरी शिकावं असा बोध दिला जातो. संगीत माणसांबरोबर प्राण्यांनापण फार प्रिय असतं असं आपण पूर्वापार ऐकत आलो आहोत आणि त्याचंच उदाहरण हा व्हिडीओ आहे.

यात कुत्रा स्वतःच मंदिरातल्या घंटाची दोरी तोंडात धरून घंटा वाजवत आहे. तो घंटा वाजवताना एवढा तल्लीन झाला आहे की त्यात तो उड्या मारताना दिसत आहे. हा व्हिडीओ बघणाऱ्या आणि करणाऱ्या सर्वांनाच त्याचं कौतुक वाटत आहे.

व्हिडीओला मोठ्याप्रमाणात लाइक्स आणि शेअर्स मिळत आहेत. आजवर हा व्हिडीओ लाखो लोकांनी बघितला आहे.