भारतीय जवानांचा एक व्हिडिओ सोशल मीडियावर खूप व्हायरल होत आहे,  यामध्ये जवान अभिनेता सिद्धार्थ मल्होत्रा ​​आणि अभिनेत्री कतरिना कैफच्या 'काला चष्मा'  गाण्यावर डान्स करताना दिसत आहेत.

सोशल मीडियावर व्हायरल होत असलेला हा व्हिडिओ 52 सेकंदांचा आहे. या व्हिडिओमध्ये लष्कराचे आठ (08) सैनिक एका उंच डोंगरावर नाचताना दिसत आहेत. ते बर्फात नाचत आहेत आणि आजूबाजूच्या जंगलाच्या डोंगरावरही बर्फ दिसत आहे. सर्व सैनिकांनी गणवेश परिधान केला आहे. यासोबतच डोळ्यांना काळा चष्मा लावण्यात आला आहे. सीमा रेषेवर बर्फ पडण्यास सुरुवात झाली आहे. अशा परिस्थितीत हा व्हिडिओ नुकताच बनवण्यात आल्याचे समजते.

गेल्या 20 महिन्यांपासून भारत आणि पाकिस्तान दरम्यान सीमा रेषेवर (LOC) शांतता आहे. सीमा रेषेवर पाकिस्तानकडून होणाऱ्या दहशतवादी घुसखोरीच्या घटना वगळता सीमा रेषेवर जवळपास शांतता आहे. फेब्रुवारी 2021 मध्ये दोन्ही देशांदरम्यान युद्धविराम करार झाला होता.

सीमा रेषेवर भारतीय जवान मजा करताना दिसण्याची ही पहिलीच वेळ नाही. याआधीही सैनिकांचे अनेक व्हिडिओ व्हायरल झाले आहेत. LOC किंवा सियाचीन किंवा चीनला लागून असलेल्या LAC वर सैनिक गाताना किंवा नाचताना दिसतात.