सोशल मीडियावर अनेक विनोदी व्हिडिओ व्हायरल होत असतात. त्यामध्ये लग्न, डान्स, सीसीटीव्ही फुटेज, अपघात, प्राणी अशा प्रकारच्या व्हिडिओंचा सामावेश असतो. सध्या असाच एका दारूड्या व्यक्तीचा व्हिडिओ व्हायरल झाला असून तो थेट रस्त्यावरील साईन बोर्डाच्या कमानीवर जाऊन पुशअप्स मारत आहे.

हे ऐकून तुम्हालाही धक्का बसेल पण रस्त्यावरील चक्क ३५ ते ४० फूट उंचीवरील साईन बोर्डवर हा व्यक्ती चढला आहे. त्याने वर जाऊन कमानीवर पुशअप्स मारले आहेत. तर रस्त्यावर ये जा करणारे लोकं या तरूणाकडे पाहत आहे. या तरूणाला खाली पडण्याची सुद्धा भिती वाटत नाही. सदर तरूण देशी दारू पिऊन आल्याचं सांगण्यात येत आहे.

दरम्यान, इंस्टाग्रामवरून शेअर करण्यात आलेल्या या व्हिडिओला नेटकऱ्यांनी चांगलाच प्रतिसाद दिला असून त्यावर आपल्या विनोदी कमेंट केल्या आहेत. "यावरून तुम्ही एका देशी दारूच्या चपटीची ताकद काय असते हे ओळखू शकता" अशा विनोदी कमेंट नेटकऱ्यांनी केल्या आहेत.