Viral Dance: हल्ली सोशल मीडियामुळे जगभऱ्यातील घडामोडी आपल्याला काही सेंकदातच मोबाइलवर बघायला मिळतात. अनेक आगळ्यावेगळ्या गोष्टी सोशल मीडियाच्या माध्यमातूनच व्हायरल होत असतात. एका आजोबांचा डान्सही सोशल मीडियावर असाच व्हायरल होतोय. आजोबांचा भन्नाट डान्स बघून तरूणही चकीत झालेत.

व्हायरल डान्समध्ये आजोबा अगदी बेभान होऊन नाचताना दिसताय. हर्ष गोयंका या तरूणाने हा व्हिडीओ सोशल मीडियावर शेअर केलाय. 'म्हातारे झालोत किंवा वय झालं म्हणून डान्स करू नये असं काही नसतं. तर डान्स करणं सोडलं म्हणत तुम्ही स्वत:ला म्हातारे म्हणवून घेता.' असे कॅप्शन त्याने या फोटोला दिले आहे.

अनेकांनी आजोबांच्या व्हायरल व्हिडीओवर कमेंट केले आहेत. आजोबांच्या फुल एनर्जीची अनेकांनी सोशल मीडियावर दाद दिली आहे. तर अनेकांनी त्यांच्या डान्सचं कौतुक केलंय. त्यांच्या या व्हिडीओला अनेक कमेंट्स आणि व्ह्यूजही आले आहेत.