प्रत्येकाला आपापल्या आयुष्यात सुख, समाधान, पैसा पाहिजे असतो. दु:खी आयुष्य कुणालाच नको वाटत असतं पण प्रत्येकाच्या वाट्याला ते आलेलं असतंच. एखाद्याच्या आयुष्यात कोणतंच दु:ख नाही असं कधीच होत नसतं. प्रत्येकजण सुखाच्या आणि समाधानाच्या पाठीमाघे धावत असतो. पण आयुष्यातील सुख आणि समाधान म्हणजे नेमकं काय?

सध्या सोशल मीडियावर एक व्हिडिओ व्हायरल झाला आहे. त्यामध्ये एक व्यक्ती एका कामगाराची मुलाखत घेत आहे. तुम्ही आयुष्यात समाधानी आहात का? असा प्रश्न विचारल्यावर कामगार खूप छान उत्तर देतो. हे उत्तर आपल्यालाही अंतर्मुख करेल.

"मी माझ्या आयुष्यात खूप समाधानी आहे. कारण माझ्याबरोबर माझे सगळे कुटुंब आहे, पत्नी आहे, मुलं आहेत. मला मुलांना किंवा बायकोला गमावू शकत नाही आणि मुलंही मला गमावू शकत नाहीत. अजून काय पाहिजे आयुष्यात, मी सुखी आहे." असं सदर व्यक्ती उत्तर देत आहे.

दरम्यान, या व्यक्तीने दिलेले उत्तर ऐकून तुम्हीही थक्क व्हाल. सुखी आयुष्यासाठी फक्त पैसाच गरजेचा असतो असं नाही. आपल्या छोट्या आणि सुखी कुटुंबातही आपल्याला समाधान शोधता येतं. सध्या हा व्हिडिओ इंस्टाग्रामवर चांगलाच शेअर करण्यात आला आहे. तर या व्हिडिओला नेटकऱ्यांनी पसंती दर्शवली आहे.