हैदराबाद : तेलंगणा राज्यातील सायबराबादमध्ये भीषण अपघातात एकाच कुटुंबातील दोन आणि एक महिला अशा तीन जणांचा दुर्दैवी अंत झाला आहे. रस्त्याने जात असलेल्या दोन महिला आणि एक मुलीला भरधाव वेगात येणाऱ्या कारने चिरडले आहे. या घटनेचे सीसीटीव्ही फुटेज सोशल मीडियावर व्हायरल झाले आहेत.

अधिक माहितीनुसार, हैदरशाकोट मुख्य रस्त्यावर एक महिला, तिची मुलगी आणि दुसरी एक महिला मॉर्निंग वॉक करत होती. त्यावेळी त्यांना मागून भरधाव वेगाने येणाऱ्या कारने चिरडले. या अपघातात तिघींचाही मृत्यू झाला आहे.

मृतांमध्ये आई आणि मुलाचा समावेश असून ते शांतीनगर कॉलनीतील रहिवासी आहेत. तर याप्रकरणी नरसांगी पोलिसांनी गुन्हा दाखल केला असून या गाडीचा वेग जास्त असल्याची माहिती पोलिसांनी दिली आहे. चालकाचे गाडीवरील नियंत्रण सुटल्याचं व्हायरल होत असलेल्या सीसीटीव्ही फुटेजमध्ये दिसत आहे.