सोशल मीडियावर अनेक वेगवेगळ्या प्रकारचे व्हिडिओ व्हायरल होत असतात. सध्या जंगलातील सिंहाचा एक व्हिडिओ व्हायरल झाला असून तो पाणवठ्यावर पाणी पित असताना एका कासवाने त्याला चांगलंच बेजार केल्याचं दिसून येत आहे. हा व्हिडिओ अनेकांनी शेअर केला आहे.

व्हायरल होत असलेला व्हिडिओ जंगलातील एका पाणवठ्यावरील आहे. तिथे एक सिंह पाणी पिण्यासाठी आला असता पाण्यातील कासव त्याच्याकडे जाऊन त्याला पाणी पिण्यासाठी अडथळा करू लागला. त्यानंतर सिंह त्याला हुलकावणी देऊन पाणी पिऊ लागला.

पण कासव त्याच्या जवळ जाऊन 'मला उचलून घे ना' असंच म्हणत असल्याचा भास होतो. हा व्हिडिओ पाहून आपणही आश्चर्यचकित झाल्याशिवाय राहणार नाही.

दरम्यान, इंस्टाग्राम वरून शेअर करण्यात आलेल्या या व्हिडिओला अनेकांनी पसंती दिली असून हा व्हिडिओ मोठ्या प्रमाणावर लाईक केला जात आहे. तर कासव निडरपणे सिंहाला भिडल्याने अनेकांनी या व्हिडिओवर आपल्या मजेशीर प्रतिक्रिया व्यक्त केल्या आहेत.