Viral Video Of Girl: सोशल मीडियावर रोज अनेक व्हिडीओ तुम्ही बघत असाल. मात्र स्ट्रीट फूड स्टॉलवरील दृष्टीहीन आई-वडिलांची काळजी घेणाऱ्या शाळकरी मुलीचा हृदयस्पर्शी व्हिडीओ बघून तुमचेही डोळे पाणावतील. इंस्टाग्राम यूजर मिथ इंडुलकर या इंस्टाग्राम यूजरने हा व्हिडीओ शेअर केलाय.

मनाला स्पर्श करणारा हा व्हिडीओ असून या व्हिडीओला 4 मिलीयनहून अधिक व्ह्यूज आणि 10 लाखाहून अधिक लाईक्स आले आहेत. यूजरने या व्हिडीओमागची भावूक कहाणीही सांगितली आहे.

ते म्हणतात, 'जेव्ही मी त्यांना पहिल्यांदा पाहिले होते तेव्ही मी फार भावूक झालो होतो. रोज त्यांना मी मीरा रोडच्या एका स्ट्रीट फूडच्या स्टॉलवर बघत होतो. या आंधळ्या आई-वडिलांची काळजी त्यांची शाळकरी चिमुकली मुलगी घेताना मला दिसायची. आई-वडिलांची चिमुकलीकडून होणारी निस्वार्थ सेवा बघून कोणाचेही डोळे पाणावतील.'

व्हायरल व्हिडीओमध्ये मुलगी तिच्या आई-वडिलांना मदत करत त्यांना नाश्ता देताना दिसते. हा व्हिडीओ बघणाऱ्या नेटकऱ्यांनी मुलीचे भरभरून कौतुक केले आहे. एका यूजरने लिहीले आहे की, 'हा व्हिडीओ मनाला स्पर्श करणारा आहे. तर दुसऱ्याने लिहीले आहे की, मोठ्या लोकांच्या तुलनेत ही चिमुकली आई-वडिलांची काळजी घ्यायला समर्थ आहे.'