Viral Video : दिवाळी येण्यास अवघे काही दिवस उरले असून अनेक घरांमध्ये स्वच्छता मोहीम जोरात राबवली जात आहे. एकीकडे शॉपिंग आणि दुसरीकडे स्वच्छता ही दोन्ही कामं आवश्यक आहेत. असाच एक स्वच्छतेचा व्हिडिओ सोशल मीडियावर मोठ्या प्रमाणात व्हायरल होत आहे. व्हायरल होणाऱ्या या व्हिडिओमध्ये या व्यक्तीच्या अंगात स्वच्छतेचे इकते भूत गेले आहे की, घरातील वस्तू कापडाने पुसण्याऐवजी याने चक्क पाण्यान धुवून काढल्या.

व्हायरल होणाऱ्या या व्हिडिओमध्ये एक व्यक्ती स्वच्छता करण्यात इतकी एकाग्र झाली आहे की, स्वच्छता करताना ही व्यक्ती घरातील नको त्या वस्तू पाण्यानी धूतांना दिसत आहे. व्हायरल होत असलेला हा व्हिडिओ पाहून तुम्हाला 'साथ निभाना साथिया' या मालिकेतील ते दृश्य आठवेल. ज्यात साधी गोपी सून पाण्याने लॅपटॉप धुताना दिसते. या सीनबद्दल इंटरनेटवर बरेच मीम्स बनवले गेले होते, जे आजही व्हायरल होत आहेत.

सध्या व्हायरल होत असलेल्या व्हिडिओमध्येही एक व्यक्ती काही इलेक्ट्रॉनिक्स वस्तू कापडाने पुसण्याऐवजी त्या पाण्याने धुताना दिसत आहे. व्हिडिओमध्ये ही व्यक्ती संगणक आणि टीव्ही पाण्याने धुतांना दिसत आहे. या व्हिडिओला आतापर्यंत 75.9K व्ह्यूज मिळाले आहेत. तसेच हजारांहून अधिक लोकांनी लाईक केले आहे.