Gas Cylinder Rocket: मनमाड कडून मालेगावकडे गॅस सिलेंडर घेऊन जाणारा ट्रक कानडगाव जवळील पाणपोई फाट्यावर पलटी झाला आहे. हा ट्रक पलटी झाल्याने त्यातील काही सिलेंडरचा स्फोट झाला. अपघातानंतर ट्रकला आग लागली. या आगीत ट्रक पुर्णपणे जळून खाक झाला आहे. या अपघातात कुठलीही जीवहानी झालेली नाही. ट्रकमधून काही सिलेंडर आकाशात रॉकेट उडावे त्याप्रमाणे कितीतरी मीटर उंचावर उडालेत. या घटनेचा व्हिडिओ सोशल मीडियावर प्रचंड व्हायरल होतोय.

या अपघातामुळे मनमाड मालेगाव महामार्गावर दोन्ही बाजूंनी दोन ते तीन किलोमीटरच्या अंतरावर वाहतुकीच्या रांगा लागल्या आहेत. चांदवड पोलिस घटनास्थळी पोहोचले असून स्थानिकांच्या मदतीने वाहतूक सुरळीत करण्यात आली आहे.

व्हिडिओमध्ये सिलेंडर एखाद्या रॉकेटप्रमाणे थेट आकाशात उडताना दिसताय. हा विचित्र व्हिडिओ बघून नेटकरीही थक्क झाले आहेत. हा व्हिडिओ सोशल मीडियावर भन्नाट व्हायरल होतोय.