उंच इमारतीवर स्टंट करताना तरुणाचा अंदाज चुकून गंभीर अपघात झाला.
व्हिडीओ सोशल मीडियावर प्रचंड व्हायरल होत असून लोक संतप्त झाले आहेत.
प्रसिद्धीसाठी जीव धोक्यात घालणं किती धोकादायक आहे, याचा हा जागा करणारा इशारा आहे.
Viral Video : थोड्याशा प्रसिद्धीसाठी जीवाशी खेळणं हे सध्या अनेक तरुणांचं वास्तव बनलंय. सोशल मीडियावर व्हायरल होत असलेल्या एका थरकाप उडवणाऱ्या व्हिडीओने याचा भीषण परिणाम जगासमोर आणला आहे. एका तरुणाने उंच इमारतीवरून स्टंट करतानाचा व्हिडीओ शूट करण्याचा प्रयत्न केला, पण अंदाज चुकल्यामुळे तो थेट खाली कोसळला. हा हृदय पिळवटून टाकणारा क्षण पाहून नेटकरीही हादरले आहेत.
ट्विटरवर trendy__memes__1 नावाच्या अकाऊंटवरून पोस्ट करण्यात आलेल्या या व्हिडीओमध्ये, काही तरुण कोणतीही सुरक्षा न घेता उंच इमारतीवर स्टंट करताना दिसतात. त्यातला एक तरुण, मोबाईल कॅमेऱ्यासमोर उडी मारतो. पण उडीचे गणित चुकते आणि तो थेट इमारतीवरून खाली पडतो. आजूबाजूचे मित्र त्याला प्रोत्साहन देत असतानाचा क्षण पाहून धडकी भरते.
सिनेमात हिरो स्टंट करतो म्हणून सामान्यांनीही तसंच करावं असं काहींचं मत असतं. पण वास्तवात हे प्राणघातक ठरू शकतं. या व्हिडीओनं याचं उत्तम उदाहरण समोर ठेवलंय.
या घटनेनंतर अनेक नेटकऱ्यांनी संताप व्यक्त केला आहे
“थोड्या व्ह्यूजसाठी असं करू नका, आई-वडिलांचा विचार करा…”“हे बघून तरुणांनी शहाणपण शिकायला हवं.”
सध्या सोशल मीडियावर ‘वायरल होण्यासाठी काहीही’ करण्याची स्पर्धा लागली आहे. पण असे प्रकार तरुणांच्या जीवावर बेतत आहेत. मनोरंजनासाठी काही क्षणांच्या प्रसिद्धीचा हव्यास आयुष्यभराची वेदना बनू शकतो हे लक्षात घेणं अत्यावश्यक आहे.
हा व्हिडीओ केवळ व्हायरल कंटेंट म्हणून पाहू नका तर इशारा म्हणून घ्या. स्टंट करताना सुरक्षा उपकरणे, प्रशिक्षण आणि योग्य तयारी अत्यावश्यक असते. कोणत्याही स्टंटची नक्कल करण्यापूर्वी त्याचे परिणाम समजून घेणे हेच शहाणपण.
हा अपघात कधी आणि कुठे घडला?
➤ नेमकी वेळ आणि ठिकाण समोर आलेले नाही, पण हा व्हिडीओ ट्विटरवर व्हायरल झाला आहे.
तरुण स्टंट करताना नेमकं काय घडलं?
➤ उंच इमारतीवरून उडी मारताना अंदाज चुकल्यामुळे तो थेट खाली पडला.
या व्हिडीओवर लोकांची काय प्रतिक्रिया आहे?
➤ अनेकांनी संताप व्यक्त करत, अशा प्रकारच्या स्टंटपासून दूर राहण्याचा सल्ला दिला आहे.
हा व्हिडीओ कोणत्या अकाऊंटवरून शेअर झाला?
➤ trendy__memes__1 नावाच्या ट्विटर अकाऊंटवरून हा व्हिडीओ पोस्ट करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.