Spiderman Viral Video : जयपुरमध्ये रस्त्यावर सुपरहिरो दिसणे आता नवल नाही. तिथले अनेक व्हिडीओ व्हायरल होत असतात. पण नुकताच समोर आलेला व्हिडिओ मात्र खूपच खास आहे. या व्हिडिओमध्ये जयपूरचा "स्पायडरमॅन" इमारतीच्या टेरेसवर चपाती बनवताना दिसतोय.

jaipur_ka_spiderman या नावाने असलेल्या इन्स्टाग्राम युजरने हा व्हिडिओ शेअर केला आहे. व्हिडिओमध्ये तो स्पायडरमॅनच्या पोशाखात टेरेसवर बसून अगदी सहजतेने रोट्या बनवून त्या भाजतोय दिसतोय. पण या व्हिडिओमध्ये सर्वात धमाल करणारी गोष्ट म्हणजे, बॅकग्राऊंडला स्पायडरमॅनचे थीम सॉंग. या विचित्र आणि मजेदार संयोजनमुळे हा व्हिडिओ प्रचंड व्हायरल झाला आहे.

व्हिडिओ पाहून नेटकऱ्यांनी देखील भरपूर कमेंट्स केल्या आहेत. "स्पायडरमॅनची आई नाही घरी" ही तर सर्वात टॉप कमेंट आहे. अवघ्या तीन दिवसात या व्हिडिओला 16 मिलियन पेक्षा जास्त व्ह्यूज, 1 मिलियन पेक्षा जास्त लाईक्स आणि 14 हजारांहून जास्त कमेंट्स मिळाले आहेत.

Swiggy Instamart या फूड डिलीव्हरी कंपनीने देखील कमेंट करत म्हटलं आहे, "भाई मार्व्हलची चहा पण पीतोय."

एक युजर म्हणतोय, "स्पायडरमॅनची पुढची फिल्म लीक झाली आणि हो, त्याला तरी MJ ची गरज नाहीये."

"With great power comes great responsibility" हा मूळ स्पायडरमॅन चित्रपटातील सुप्रसिद्ध डायलॉग देखील इथे कमेंट मध्ये दिसून येतो.

इतर काही कमेंट्स अशा आहेत, "स्पायडर ब्रो, स्पायडर ब्रो, रोटी कधीपर्यंत करतोस? देशात संकट आहे!"

या व्हिडिओमुळे तरुणाईची मनोरंजनासोबतच सुपरहिरोच्या व्यक्तिरेखेचा विनोदी अंदाजात केलेला हा प्रयोग लोकांना खूप आवडला आहे.