खऱ्या प्रेमाला कुणी रोखू शकत नाही, खऱ्या प्रेमाचा कायम विजय होतो असं आपण म्हणतो. सध्या असाच एक व्हिडिओ सोशल मीडियावर व्हायरल झाला आहे. यामध्ये धोधो पावसामध्ये लग्न लागताना दिसत आहे. त्याचबरोबर लग्नातील सगळे विधी, वरात, तरूणींचा डान्ससुद्धा पावसातच होत आहे.

व्हायरल होत असलेल्या व्हिडिओमध्ये मोठा लॉन्स लग्नासाठी सजवलेला आहे. एवढी तयारी केली असतानाही या कार्यामध्ये पावसाने व्यत्यय आणला पण लग्न थांबलं नाही. धोधो पावसात महिला डान्स करताना दिसत आहेत. तर लग्नसुद्धा भर पावसात लागलं आहे. "खऱ्या प्रेमाला कुणी रोखू शकत नाही. पावसाच्या रूपात आशिर्वाद बरसले आहेत" असं कॅप्शन टाकून हा व्हिडिओ शेअर करण्यात आला आहे.

दरम्यान, हा व्हिडिओ सध्या सोशल मीडियावर व्हायरल झाला असून नेटकऱ्यांनी या व्हिडिओला मोठ्या प्रमाणावर शेअर केला आहे. तर यावर आपल्या प्रतिक्रिया व्यक्त केल्या आहेत. नेटकऱ्यांकडून या व्हिडिओला चांगलाच प्रतिसाद मिळत आहे.

सोशल मीडिया हे सध्या मनोरंजनाचे साधन बनले असून यावर अनेक विनोदी, डान्स, सीसीटीव्ही, लग्न, युवक युवतीचे, जुगाडाचे व्हिडिओ व्हायरल होत असतात. काही व्हिडिओ मनोरंजन करतात तर काही व्हिडिओ आपल्याला मोठा धडा शिकवून जात असतात. व्हायरल होणारे व्हिडिओ पाहून किंवा इंस्टाग्रामवरील रील पाहून अनेकजणांचा दिवस आनंदात जातो.