IPL 2023 : सध्या आयपीएलचा हंगाम सुरू आहे. आपणही चेन्नई, गुजरात, मुंबई, आरसीबी या संघापैकी कुणाचेतरी फॅन असाल. सध्या चेन्नई, मुंबई, गुजरात हे संघ चांगलेच फॉर्म मध्ये आहेत. आपल्यापैकी अनेकांनी स्टेडियमवर जाऊन सामना पाहिला असेल. पण सध्या अशाच एका क्रिकेटच्या चाहत्याचा व्हिडिओ सोशल मीडियावर व्हायरल झाला आहे.

व्हायरल होत असलेला व्हिडिओ आयपीएलच्या सामन्यातील असून या पठ्ठ्याने स्टेडियमवर जाऊनही मोबाईलमध्ये सामना पाहिला आहे. तेही आरामात खुर्च्यावर झोपून. हे पाहून आपल्यालाही हसू आवरणार नाही. आपण सामना प्रत्यक्षात पाहण्यासाठी स्टेडियमवर जातो आणि हा तरूण स्टेडियमवर जाऊनही मोबाईलवर सामना का पाहतोय असा प्रश्न तुम्हाला पडला असेल.

दरम्यान, सध्या सोशल मीडियावर अनेकांनी हा व्हिडिओ शेअर केला असून त्यावर आपल्या प्रतिक्रिया व्यक्त केल्या आहेत. तर हा व्हिडिओ पाहून अनेकांनी केलेल्या वेगवेगळ्या कमेंट वाचून तुम्हाला हसू आवरणार नाही. या क्रिकेटप्रेमी तरूणाच्या व्हिडिओला अनेक नेटकऱ्यांनी लाईक केलं आहे.