Union Budget 2022 : केंद्रीय अर्थमंत्री निर्मला सीतारमन (Nirmala Sitharaman) यांनी आज संसदेत देशाचा अर्थसंकल्प (Union Budget) मांडायला सुरूवात केली आहे. कोरोनामुळे गेल्या दोन वर्षांपासून अनेक शाळांमधून ऑनलाईन शिक्षण दिले जात आहे. दरम्यान, ऑनलाईन शिक्षणासाठी अर्थमंत्र्यांनी 100 चॅनेल्स सुरू करणार असल्याची घोषणा केली आहे. यामुळे शैक्षणिक क्षेत्राला मोठ्या प्रमाणात चालना मिळण्यास मदत होणार आहे.

• कोरोनामुळे देशातील अनेक छोट्या मुलांना शिक्षणापासून वंचित राहावं लागले असून, यासाठी सरकारकडून 'वन क्लास वन टीव्ही चॅनल'द्वारे प्रयत्न केले जाणार आहेत.

• शालेय शिक्षणासाठी 100 चॅनेल्स सुरू करणार.

• विद्यार्थ्यांना स्थानिक भाषेत शिकविले जाणार

• रेडिओ, टीव्हीच्या माध्यमातून विद्यार्थ्यांना शिक्षण मिळणार

• वन क्लास वन टीव्ही चॅनेलच्या माध्यमातून विद्यार्थ्यांच्या विकासासाठी पहिली ते बारावीसाठी चॅनेल सुरू करणार.

• प्रादेशिक भाषांमध्ये हे चॅनेल काम करणार असून, यासाठी इंटरनेट रेडिओ आणि डिजिटल साधनांचा वापर करण्यात येणार आहे.