Dhule News : त्याने नवस उपवासाचा मानलेला नाही, चालण्याचा मानलेला नाही, तर चक्के अनवाणी धावण्याचा नवस तो पाच दिवसांत पूर्ण करीत आहे. तो उज्जैनपासून शिर्डीपर्यंत चक्क ३६४ किलोमीटर अनवाणी धावत आहे. एका हातात मशालज्योत आहे.

ही ज्योत तो नवरात्रीनिमित्त साईबाबांना वाहणार आहे. (364 km race of Sai devotee carrying mashal dhule news)

त्याची पाच दिवसांची भक्ती साऱ्यांनाच आश्चर्यचकित करायला लावणारी आहे. स्वप्नील गायकवाडचे ठिकठिकाणी स्वागतही होत आहे.

उज्जैन येथील गायकवाडचा शिर्डीपर्यंतचा प्रवास थक्क करणारा आहे. तो एक कुशल धावपटू आहे. त्याने नवरात्रीत शिर्डीच्या साईबाबांना मशालज्योत चढविण्याचा नवस केला आहे.

तो या नवरात्रीत पूर्ण करीत आहे. शिर्डीपर्यंतचे अंतर केवळ पाच दिवसांत पूर्ण करीत आहे. तीन दिवसांत धुळे गाठले आहे. त्याच्यासोबत वाहनामधून मित्र प्रवास करीत आहेत.

गायकवाडने सांगितले, की जीवनात शांती, सुबत्ता आणि समृद्धी यावी. माझ्या क्षेत्रात मी यशस्वी व्हावा, यासाठीही हा नवस मानलेला आहे. या प्रवासात त्याचे ठिकठिकाणी स्वागत होत आहे. प्रत्येकाला पायी अधिक चालण्याचा व वृक्षारोपण करण्याचा संदेश देत आहे.