Dhule Crime News : दहिवेल (ता. साक्री) शिवारातून चोरट्यांनी सोयाबीनच्या तब्बल ८० गोण्या लंपास केल्या. त्यांची किंमत दोन लाख आठ हजार रुपये आहे.

या प्रकरणी साक्री पोलिस ठाण्यात गुन्हा नोंद झाला. (80 sacks of soybean stolen dhule crime news)

दहिवेल येथील आदर्श विद्यालयासमोर संजयकुमार पंडितराव गवळी (वय ४४) वास्तव्यास आहेत. त्यांनी गावशिवारातील त्यांच्या शेतातील पत्र्याच्या शेडमध्ये लोखंडी जाळी असलेल्या कांदाचाळीत सोयाबीनच्या दोनशे गोण्या ठेवल्या होत्या.

चोरट्यांनी ३० ते ३१ डिसेंबरदरम्यान या कांदाचाळीतून सोयाबीनच्या ८० गोण्या नेल्या. त्यांची किंमत ५० रुपये किलोप्रमाणे दोन लाख आठ हजार इतकी आहे.

याबाबत संजयकुमार गवळी यांनी साक्री पोलिसांकडे दिलेल्या तक्रारीनुसार चोरट्यांवर गुन्हा दाखल करण्यात आला. पोलिस उपनिरीक्षक रोशन निकम तपास करीत आहेत.