Dhule News : शिंदखेडा तालुक्यातील अंजनविहीर व धुळे तालुक्यातील तामसवाडी येथून अल्पवयीन मुलींचे अपहरण झाल्याची तक्रार संबंधित पोलिस ठाण्याकडे झाली आहे. (Abduction of minor girls from Dhule crime news)

या प्रकरणी एका संशयितासह दोघांवर गुन्हा दाखल झाला. अंजनविहीर येथील अल्पवयीन मुलगी २५ एप्रिलला सकाळी नऊपासून बेपत्ता होती.

शोध सुरू असताना तिच्याच घराजवळील विशाल संतोष चव्हाण हा त्या वेळेपासून बेपत्ता असल्याने त्यानेच या मुलीस पळविल्याचा संशय व्यक्त करत मुलीच्या पालकांनी विशालच्या नावासह गुरुवारी पोलिसांकडे फिर्याद दिली. विशाल याच्यावर अपहरणाचा गुन्हा दाखल झाला असून, त्याचा शोध सुरू आहे.

धुळे तालुक्यातील तामसवाडी येथूनही अल्पवयीन मुलगी बेपत्ता झाली आहे. तिला पळवून नेल्याचा संशय व्यक्त करीत पालकांनी गुरुवारी सोनगीर पोलिस ठाण्यात फिर्याद दिल्याने अज्ञात व्यक्तीवर अपहरणाचा गुन्हा दाखल झाला आहे.