नंदुरबार : तालुक्यातील ग्रामपंचायत निवडणुकांमुळे ग्रामीण भागातील भाविकांच्या आग्रहास्तव नंदुरबार आगारातर्फे आता अष्टविनायक दर्शन यात्रा बस मंगळवारी (ता. २०) सकाळी सहाला रवाना होणार आहे. (Ashtavinayak Yatra msrtc Bus Service starts on 20th September Nandurbar Latest Marathi News)

अष्टविनायक दर्शन सेवेत श्रीक्षेत्र शिर्डी, अष्टविनायक दर्शन, श्रीक्षेत्र शनिशिंगणापूर, श्रीक्षेत्र देवगड, श्री गुरुदत्त मंदिर पॅकेज टूर जाहीर झाला आहे. २० ते २३ सप्टेंबरदरम्यान नंदुरबार आगारातर्फे सुविधा उपलब्ध करून दिली आहे.

भाविकांनी या सेवेचा लाभ घ्यावा. ग्रामीण भागातून ग्रुप पद्धतीने प्रवासी उपलब्ध झाल्यास एसटीच्या उपक्रमांतर्गत धार्मिक स्थळांना भेटी देता येणार आहेत. यासाठी प्रवाशांनी नंदुरबार आगारात हितेश वसईकर (८२६२८२८५२१) यांच्याशी संपर्क साधण्याचे आवाहन आगारप्रमुख मनोज पवार यांनी केले आहे.