धुळे : उत्तर प्रदेशातील हमालाचा शहरात खून झाला आहे. त्याचा मृतदेह सोमवारी (ता. २) सकाळी शहरातील श्रीराम पेट्रोलपंपाजवळील जलकुंभाच्या मागील बाजूस आढळला.
घटनेची माहिती मिळताच पोलिस अधीक्षक संजय बारकुंड, सहाय्यक पोलिस अधीक्षक ह्रषीकेश रेड्डी, स्थानिक गुन्हे अन्वेषण शाखेचे पोलिस निरीक्षक हेमंत पाटील व शहराचे पोलिस निरीक्षक आनंद कोकरे यांनी घटनास्थळी पाहणी केली. पोलिस शोधपथकाचे प्रल्हाद वाघ, नीलेश पोतदार, कुंदन खरात, गुणवंत पाटील, मच्छिंद्र पाटील, कमलेश सूर्यवंशी, राहुल गिरी उपस्थित होते. (brutal murder of Uttar Pradesh labor in Dhule city Dhule Crime News)
मृतदेहाजवळ आधारकार्ड आढळले. त्यावर विजय कुमार (वय ३५, आत्मज, जि. सिद्धार्थनगर, उत्तर प्रदेश) असा उल्लेख आहे. त्याच्या डोक्यावर डाव्या बाजूस, पाठीवर मोठी जखम असून, अंगावर टी-शर्ट, तर उर्वरित नग्नावस्थेत मृतदेह आढळला. विजय हमालीचे काम करीत असल्याची माहिती इतर हमालांनी पोलिसांना दिली.
दोन महिन्यांपासून तो येथे कामासाठी आला होता. भंगार बाजारात तो हमाली करीत होता. परिसरात नशेखोर असून, त्यातील कुणीतरी विजयच्या खिशातून पैस काढून अथवा अनैतिक संबंधातून त्याचा खून केल्याचा प्राथमिक अंदाज व्यक्त केला जात आहे. घटनास्थळी न्यायवैद्यक चाचणी पथकाला बोलवून तेथील नमुने गोळा करण्यात आले.
तसेच त्याचे कपडे व खिशातील वस्तूही परीक्षणासाठी ताब्यात घेण्यात आल्या. विजयकुमारच्या खुनाचे कारण अस्पष्ट असून, त्याचा मृतदेह विच्छेनदासाठी जिल्हा शासकीय रुग्णालयात पाठविण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.