Dhule News : महाविद्यालयात शिक्षण घेणाऱ्या विद्यार्थ्याने तापी नदीत उडी टाकून आत्महत्या केल्याची घटना मंगळवारी (ता. १७) गिधाडे (ता. शिरपूर) येथे घडली. (College boy commits suicide in Tapi river dhule news)

किरण पद्मसिंह राजपूत (वय १९, रा. लंघाणे, ता. शिंदखेडा) असे मृताचे नाव आहे. सायंकाळी सातला त्याचा मृतदेह हाती लागला.

गिधाडे येथे तापी पुलावर दुचाकी उभी असल्याने आत्महत्येची शक्यता व्यक्त केली जात होती. त्यामुळे सावळदे परिसरातील मच्छीमारांनी शोधमोहीम सुरू केली.

सायंकाळी सातला किरणचा मृतदेह बाहेर काढण्यात आला. मृत किरण राजपूत दोंडाईचा (ता. शिंदखेडा) येथील दादासाहेब रावल महाविद्यालयात बीसीए (प्रथम वर्ष) विद्यार्थी होता.

आत्महत्येचे कारण समजू शकले नाही. शहर पोलिसांनी आकस्मिक मृत्यूची नोंद केली.