Death of victim in beating Murder charged against 11 persons esakal
उत्तर महाराष्ट्र

Dhule Crime News : मारहाणीतील जखमीचा मृत्यू; 11 जणांवर खुनाचा गुन्हा

मागील भांडणातून जातोडा (ता. शिंदखेडा) येथे २९ डिसेंबरला दोन गटांत हाणामारी झाली.

सकाळ वृत्तसेवा

Dhule Crime News : मागील भांडणातून जातोडा (ता. शिंदखेडा) येथे २९ डिसेंबरला दोन गटांत हाणामारी झाली.

त्यात लाकडी दांडके व दगडांच्या मारहाणीत गंभीर जखमी झालेल्या एकाचा रविवारी (ता. ७) मृत्यू झाला.(Death of victim in beating Murder charged against 11 persons)

मिय्यालाल नसीर पटेल असे त्यांचे नाव आहे. या प्रकरणी नरडाणा पोलिस ठाण्यात वाढीव कलमान्वये ११ संशयितांवर खुनाचा गुन्हा दाखल झाला. पोलिसांनी चार संशयितांना ताब्यात घेतले.

बानोबी मिय्यालाल पटेल (रा. जातोडा) यांच्या फिर्यादीनुसार मागील भांडणाच्या वादातून फारूक निंबा पटेल याने पती मिय्यालाल पटेल यांना लाकडाने मारहाण केली. त्यात ते पडल्यानंतर बाजूला पडलेला दगड उचलून त्यांच्या डोक्यात मारून गंभीर जखमी केले.

तसेच बानोबी पटेल यांचा मुलगा अरमान पटेल, जुबेर पटेल, पुतण्या फिरोज पटेल यांनादेखील फारूक पटेल याच्यासह आसिफ निंबा पटेल, वसीम सलीम पटेल, दानिश शकील पटेल, शकील निंबा पटेल, अत्ताफ गनी पटेल, सलीम निंबा पटेल, भिक्या हबीब पटेल, साबीर हबीब पटेल, नदीम सलीम पटेल, सलीम हुसेन पटेल (सर्व रा. जातोडा) यांनी लाकडी दांडक्याने मारहाण करीत जखमी केले.

बानोबी पटेल यांची सून रुबिना भांडण सोडविण्यासाठी गेली असता तिच्या गळ्यातील सोन्याची पोत तुटून गहाळ झाली. भांडण सोडविल्यानंतरही शिवीगाळ करीत ठार करण्याची धमकी दिली. या प्रकरणी ११ संशयितांवर गुन्हा नोंद झाला होता.

तथापि, उपचार सुरू असताना गंभीर जखमी मिय्यालाल नसीर पटेल यांचा रविवारी (ता. ७) मृत्यू झाला. त्यावरून गुन्ह्यात वाढीव खुनाचे कलम लावण्यात आले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

China criticizes US: भारताची बाजू घेत चीनने पुन्हा एकदा अमेरिकेवर केली उघडपणे टीका, म्हटले...

Rohit Sharma कर्णधार म्हणून कसा आहे? राहुल द्रविडने स्पष्टच सांगितले; म्हणाला, 'मला नेहमीच जाणवलं तो...'

Donald Trump: अलास्कातून परतताना पुतिन यांनी इंधनासाठी २.२ कोटी रुपये रोखीने दिले; नेमकं काय घडलं?

Solapur News : मालमत्ता करदात्यांना सुवर्णसंधी! ३० सप्टेंबरपर्यंत व्याज-दंडात १००% सूट

Maharashtra Latest News Update: देश-विदेशासह राज्यात दिवसभरात काय घडलं? वाचा एका क्लिकवर

SCROLL FOR NEXT