Dhule News : जिल्ह्यातील शिंदखेडा मतदारसंघातील २५ ग्रामपंचायतींच्या इमारत बांधकामासाठी राज्य शासनाच्या मातोश्री ग्रामपंचायत बांधणी योजनेअंतर्गत पाच कोटी ३५ लाखांचा निधी आपल्या पाठपुराव्यामुळे मंजूर झाला आहे, अशी माहिती आमदार जयकुमार रावल यांनी दिली. (5 Crore 35 Lakh for 25 Gram Panchayat Buildings in Shindkheda)

मातोश्री ग्रामपंचायत बांधणी योजनेंतर्गत ज्या ग्रामपंचायत इमारतींसाठी निधी मंजूर झाला, ती गावे अशीः शिंदखेडा तालुक्यातील कलमाडी, धावडे, दाऊळ, तामथरे, खर्दे बु., कर्ले या गावांना प्रत्येकी २५ लाखांचा निधी तर वडदे, हिसपूर, कळगाव, चिमठावळ, मेलाणे, विखुर्ले, दरखेडा, वाघोदे, सुकवद, अजंदे, जखाणे, दत्ताणे, झोतवाडे या गावांतील ग्रामपंचायतीच्या बांधकामासाठी प्रत्येकी २० लाखांचा निधी मंजूर आहे. तसेच साक्री तालुक्यातील आयणे, उभंड, म्हसाळे, नागपूर व वर्धाने या गावांना प्रत्येकी २० लाखांची निधी असा एकूण पाच कोटी ३५ लाखांचा निधी मंजूर झाल्याचे आमदार रावल यांनी म्हटले आहे.