Dhule News : राजकारणात पुरुषांबरोबर महिलांची संख्याही वाढलेली आहे. सर्वच राजकीय पक्षांमध्ये महिला मोठ्या प्रमाणावर सक्रिय आहेत. विशेष म्हणजे महिलांकडे मोठ्या जबाबदाऱ्या सोपविलेल्या आहेत. त्यामुळे यंदाच्या निवडणुकीतून लोकसभेच्या धुळे मतदारसंघात खासदार निवडीसाठी महिला मतदारांची भूमिका निर्णायक ठरणार आहे. मतदारसंघात एकूण २० लाख ७५२ मतदार आहेत. त्यात महिला मतदारांची संख्या नऊ लाख ५९ हजार ४१६ आहे. 9Dhule Lok Sabha Constituency)

धुळे जिल्ह्यात १८ ते २३ वयोगटातील सरासरी १७ हजार ३२१ नवीन मतदारांची नोंद झाली आहे. तसेच ८५ वर्षांवरील वयोगटातील मतदारांची संख्या २३ हजार आहे. दहा हजार ९०० मतदार दिव्यांग आहेत. आवश्यकतेनुसार त्यांच्यासाठी पोस्टल बॅलेटची सुविधा उपलब्ध करून दिली जाणार आहे.

मतदान केंद्रांवर त्यांच्या सोयीसाठी आवश्यक उपाययोजना केल्या आहेत. केंद्रीय निवडणूक आयोगाच्या सूचनेनुसार ५० टक्के मतदान केंद्रावर वेबकास्टिंग व्यवस्था करण्यात येणार आहे. जिल्ह्यात क्षेत्रीय अधिकाऱ्यांची नियुक्ती झाली आहे.

महिलांचा वाटा मोठा

मतदारसंघात खासदार निवडीसाठी पुरुषांच्या बरोबरीने महिला मतदारांचाही वाटा मोठा असणार आहे. महिला मतदारांची सर्वाधिक संख्या धुळे ग्रामीण विधानसभा मतदारसंघात असून, ती एक लाख ८८ हजार १३६ आहे. (Latest Marathi News)

सर्वांत कमी महिला मतदार बागलाण विधानसभा क्षेत्रात एक लाख ३५ हजार ८२ इतकी आहे. या मतदारसंघात धुळे शहर, धुळे ग्रामीण, शिंदखेडा, मालेगाव मध्य, मालेगाव बाह्य व बागलाण या सहा विधानसभा क्षेत्रांचा समावेश आहे. मतदानासाठी महिलांतर्फे जनजागृती होत आहे.

धुळे लोकसभा मतदारसंघातील मतदारसंख्या

* मतदारसंघ ......पुरुष ......स्त्री ......तृतीयपंथी ......एकूण

* धुळे ग्रामीण : ......२,०२,४८५ ......१,८८,१३६ ......०१ ......३,९०,९६२२

* धुळे शहर : ......१,७६,९८० ......१,६१,८२३ ......२७ ......३,३८,८३०

* शिंदखेडा : ......१,६८,६८१ ......१,६१,२२८ ......०१ ......३,२९,९१०

* मालेगाव मध्य : ......१,५६,१२२ ......१,४३,६१८ ......०८ ......२,९९,७४८

* मालेगाव बाह्य : ......१,८७,७७५ ......१,६९,५२९ ......०७ ......३,५७,३११

* बागलाण : ......१,४९,२४७ ......१,३५,०८२ ......०२ ......२,८४,३३१

* एकूण : ......१०,४१,२९० ......९,५९,४१६ ......४६ ......२०,००,७५२