Dhule News : श्री एकवीरादेवीची यात्रेनिमित्त सोमवारपासून (ता. २२) ते आठ मे पर्यंत भाविकांची गर्दी होत राहील. यात्रा, उत्सव काळात वाहतुकीचे नियम, नियोजन करता यावे व वाहतुकीची कोंडी होवून कायदा व सुव्यवस्थेचा प्रश्न निर्माण होवू नये यासाठी वाहतूक मार्गाच्या ठराविक वेळेत बदल करण्यात येत असल्याची माहिती जिल्हा पोलिस अधीक्षक श्रीकांत धिवरे यांनी दिली. (Dhule Temporary change in traffic route due to Shri Ekvira Devi yatrotsav)

शहरात सोमवारपासून ते आठ मे या कालावधीत रोज सायंकाळी पाच ते रात्री दहापर्यंत नेहरु चौक (जुना आग्रा रोड) मुख्य प्रवेशद्वार ते श्री एकवीरादेवी मंदीरापर्यंतचा रस्ता, जुने धुळे ते नवीन पुल ते श्री एकवीरादेवी मंदिरापर्यंतचा रस्ता.

पंचवटी महादेव मंदिर ते जवाहरलाल नेहरु स्टेडियम टी पॅाईन्टचा रस्ता, प्रभात नगर ते जुने धुळे नवीन पुलापर्यंतचा रस्ता. (latest marathi news)

प्रभातनगर ते अमरधामकडून ते श्री एकवीरादेवी मंदिर पर्यंतचा रस्ता, वीर सावरकर पुतळा ते जुने धुळे नवीन पुलापर्यंतच्या मार्गावरील वाहतुकीत बदल करण्यात येत आहे.

या नमूद तारखांना तसेच विहीत वेळेत वाहतुक मार्ग बंद राहिल. वाहनचालकांनी पर्यायी मार्गाचा वापर करावा. ही अधिसूचना पोलिस सेवेतील वाहने, रुग्णवाहिका व अग्निशामक दलाच्या वाहनांना लागू होणार नाही, असेही श्री. धिवरे यांनी कळविले आहे.