कापडणे : येथील भाजीपाला उत्पादक (Vegetable production) शेतकरी (farmer) राघो माळी आणि मनोहर माळी या पितापुत्रांनी एकरभर शेत्रात भाजीपाल्याचे विक्रमी उत्पादन (Record production) काढत आहेत. विशेष म्हणजे मनोहर माळी हे एमस्सी बी.एड. आहेत. नोकरी नसल्याने पाच वर्षांपासून शेतीत राबीत उत्तम शेती आणि कनिष्ठ नोकरी हे सिध्द करण्याची धडपड यशस्वी ठरवित आहेत. भाजीपाल्याला चांगले भाव राहिल्यास नोकरीची (job) चाकरी करण्याची आवश्यकता नाही शिक्षणाचा (Education) उपयोग शेतीत केल्यास शेतीसह आपलेही भाग्य उजळते.

(farmer father and son vegetable record production)

भेंडी, पालक व मुळामुळे आर्थिक पाठबळ
राघो माळी व मनोहर माळी हे अल्पभूधारक शेतकरी पितापुत्र आहेत. सव्वा एकर शेत जमिनीतून भाजीपाल्याचे उत्तम उत्पादन ते काढतात. ते भेंडी, पालक व मुळाचे उत्पादन विक्रमी काढतात. वर्षभर विहिरीला पाणी टिकल्यास एकरभर जमिनीतूनही लाखमोलाचे उत्पादन होते. चौकोनी कुटूंबाचा गाडा सहज हाकता येतो, असे माळी यांनी सांगितले. माळी यांच्या शेतातून सध्या भेंडी निघू लागली आहे. स्थानिक भाजारात प्रती किलो वीसने विक्री होत आहे. तरीही परवडत असल्याचे सांगतिले. चार महिने निघणारी भेंडी ही पावसाळ्यात चांगला भाव देवून जाईल, असे अपेक्षा आहे.

उच्च डिग्री तरीही नो नोकरी
माळी यांचा मोठा मुलगा सुरत येथे रोजगारा निमित्ताने स्थिर झाला आहे. तर लहान मुलगा मनोहरने मोठे कष्ट घेत शिक्षण पुर्ण केले. एमस्सी बीएड असूनही सात वर्षांपासून नोकरी नाही. शेवटी वडीलांपासून शेतीचे धडे गिरवित भाजीपाला उत्पादन काढण्यात माहिर झाला आहे. शेती बरोबरच स्पर्धा परीक्षेचा अभ्यास करीत यशस्वी होण्याचा दुर्दम्य आशावाद माळी यांनी व्यक्त केला. दरम्यान उन्हाळा असूनही भाजीपाला मुबलक निघत आहे. लाॅक डाऊन असल्याने दर प्रती किलो तीसच्या खालीच असल्याने शेतकर्‍यांमधून नाराजी व्यक्त होत आहे.