Dhule Crime News : गांजा वाहतूक करणाऱ्यास दुचाकीसह पकडले
सोनगीर : मुंबई-आग्रा महामार्गावर सोनगीर फाट्याजवळ येथील पोलिसांनी संशयावरून मोटारसायकलस्वाराला हटकले असता त्याच्याकडे सुमारे एक लाख रुपयांच्या गांजा व मोटारसायकलीसह एक लाख ८७ हजारांचा मुद्देमाल जप्त करण्यात आला.
ही घटना रविवारी (ता. २९) सकाळी आठच्या सुमारास घडली. या प्रकरणी मोटारसायकलस्वारास अटक करण्यात आली. (Ganja transporter caught with two wheeler Dhule Crime News)
हेही वाचा : ....इथं बनतो आपला लाडका तिरंगा
शिरपूरकडून धुळ्याकडे जाणाऱ्या मोटारसायकल (एमएच १८, डीबी ९६४७)ला येथील पोलिसांच्या गस्तिपथकाने थांबविले. त्याच्याकडे पांढऱ्या गोणीत सुमारे एक लाख सात हजार दोनशे रुपये किमतीचा १३ किलो ४०० ग्रॅम गांजा आढळून आला.
संशयित मोटारसायकलस्वार फिरोज अली शाकीरअली (रा. कबीरगंज, धुळे) याला पोलिसांनी अटक केली असून, मोटारसायकल जप्त करण्यात आली. उपविभागीय पोलिस अधिकारी प्रदीप मैराळे यांच्या मार्गदर्शनाखाली सहाय्यक पोलिस निरीक्षक गणेश फड तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.