Gram Panchayat Election : जानेवारी २०२३ ते डिसेंबर २०२३ या कालावधीत मुदत संपणाऱ्या ग्रामपंचायती, नव्याने स्थापित व २०२२ मध्ये चुकीची प्रभागरचना झाल्यामुळे निवडणुका न होऊ शकलेल्या ग्रामपंचायतींच्या सदस्यपदासह थेट सरपंचपदाच्या सार्वत्रिक निवडणुकांसाठी संगणक प्रणालीद्वारे तसेच ग्रामपंचायतीतील रिक्त जागांच्या पोटनिवडणुकांसाठी पारंपरिक पद्धतीने राबविण्याचा प्रत्यक्ष निवडणूक कार्यक्रम जाहीर करण्यात आल्याची माहिती उपजिल्हाधिकारी गोविंद दाणेज यांनी प्रसिद्धीपत्रकान्वये दिली. (Gram Panchayat Election Program Announced nandurbar news)

शहादा तालुक्यातील एकूण १६ व नंदुरबार जिल्ह्यातील २७ ग्रामपंचायतींचा पोटनिवडणुकीचा टप्पानिहाय कार्यक्रम खालीलप्रमाणे आहे :

६ ऑक्टोबर निवडणूक नोटीस प्रसिद्ध करणे, १६ ते २० ऑक्टोबर सकाळी अकरा ते दुपारी तीनपर्यंत नामनिर्देशनपत्रे मागविणे व सादर करणे, २३ ऑक्टोबर सकाळी अकरापासून नामनिर्देशनपत्र छाननी, २५ ऑक्टोबरला दुपारी तीनपर्यंत नामनिर्देशनपत्र मागे घेणे व दुपारी तीननंतर निवडणूक चिन्ह नेमून देणे .

अंतिमरीत्या निवडणूक लढविणाऱ्या उमेदवारांची यादी प्रसिद्ध करणे, ५ नोव्हेंबरला सकाळी साडेसात ते सायंकाळी साडेपाचपर्यंत मतदान, ६ नोव्हेंबरला मतमोजणी व निकाल घोषित करणे, तसेच नक्षलग्रस्त व दुर्गम भागासाठी ७ नोव्हेंबरला मतमोजणी व निकाल घोषित करणे. ९ नोव्हेंबरला निवडणूक निकालाची अधिसूचना प्रसिद्ध करण्यात येईल.