bar  esakal
उत्तर महाराष्ट्र

Dhule News : आदिवासी वसतिगृहाचे गृहपाल सक्तीच्या रजेवर; एका सोहळ्यात विद्यार्थिनी रेस्टॉरंट- बारमध्ये

सकाळ वृत्तसेवा

Dhule News : पिंपळनेर (ता. साक्री) येथील शासकीय आदिवासी मुलींच्या वसतिगृहातील गृहपाल पल्लवी हिरालाल जाधव यांनी त्यांच्या मुलीचा वाढदिवस पिंपळनेर येथील एका रेस्टॉरंट- बारमध्ये साजरा केला. त्यासाठी वसतिगृहातील विद्यार्थिनी उपस्थित होत्या.

या प्रकरणी तक्रार झाल्यावर एकात्मिक आदिवासी विकास प्रकल्प विभागाने गृहपाल जाधव यांच्या गैरवर्तनामुळे त्यांना सक्तीच्या रजेवर पाठविले आहे.(Housekeeper of tribal hostel on compulsory leave dhule news )

चौकशी होईपर्यंत गृहपाल जाधव सक्तीच्या रजेवर असतील. या गंभीर विषयाकडे सामाजिक कार्यकर्ते तानाजी बहिरम, प्रेमचंद सोनवणे,

मन्साराम भोये, पुष्पा चौधरी, गणेश गावित, अजय राऊत, किरण पवार, संजय ठाकरे, राम ठाकरे, दिलीप माळी आदींनी शासनाचे लक्ष वेधले. त्यांनी सांगितले, की आदिवासी विकास विभागांतर्गत शासकीय आदिवासी मुलींचे वसतिगृह पिंपळनेरला आहे.

त्यात गुरुवारी (ता. २) ७५ विद्यार्थिनी क्षमता असलेल्या या वसतिगृहातील गृहपाल जाधव यांनी त्यांच्या मुलीच्या वाढदिवसानिमित्त पार्टी ठेवली. ती पिंपळनेर येथील एका नामांकित रेस्टारंट व बारमध्ये ठेवली.

शासकीय नियमावलीचे उल्लंघन करून सायंकाळी साडेसात ते रात्री साडेआठपर्यंत आदिवासी वसतिगृहातील सर्व ७५ मुली, कर्मचारी शासकीय आवार सोडून रेस्टारंट व बारमध्ये उपस्थित होते. दोन विद्यार्थिनी प्रवेशद्वारात स्वागतासाठी होत्या.

या लाजीरवाण्या प्रकाराची माहिती मिळताच आदिवासी सामाजिक कार्यकर्ते घटनास्थळी उपस्थित झाले. या प्रकरणी आदिवासी विकासमंत्री व आदिवासी आयुक्तांनी दोषी कर्मचाऱ्यांवर कठोर कार्यवाही करावी, अशी मागणी कार्यकर्त्यांनी केली.

चौकशीअंती कारवाई : पटेल

सहाय्यक प्रकल्प अधिकारी एस. एस. पटेल म्हणाले, की अशा गैरवर्तणुकीबद्दल गृहपाल जाधव यांच्यावर कारवाईसंदर्भात अहवाल प्राप्त झाला आहे. चौकशीच्या अधीन राहून गृहपाल जाधव यांना शुक्रवार (ता. ३)पासून पुढील आदेशापर्यंत सक्तीच्या रजेवर पाठविण्यात आले आहे. चौकशीअंती व मुलींचे जाबजबाब घेतल्यावर, तसेच पुरावे संकलनातून नेमके काय- काय घडले, ते तपासून दोषींवर कारवाईचा अंतिम निर्णय घेतला जाईल.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Mahatma Phule Scheme Fraud : खासगी रुग्णालयांचे धाबे दणाणले! महात्मा फुले आणि आयुष्मान भारत योजनेतील बोगस बिलांची आता थेट 'SIT' मार्फत होणार चौकशी

IND vs NZ 1st Test Day 2 Live: ३२ वर्षांची प्रतीक्षा संपली! यशस्वी जैस्वाल-लोकेश राहुल यांनी सॉलिड सुरूवात करून दिली; दुसऱ्या दिवसाच्या खेळात नेमकं काय घडलं?

'इतके आळशी आणि बकवास लोक' प्रवीण तरडे इतर निर्मात्यांबद्दल बोलताना म्हणाले,'कोणताही सिनेमा आणून द्या 100 कोटी करुन दाखवतो'

Latest Marathi News Live Update : राहुल गांधी यांचा खळबळजनक दावा, भाजपचे मंत्री आमच्या संपर्कात असल्याचे केले वक्तव्य

भाजप आमदाराला 3 वर्ष सश्रम कारावासाची शिक्षा, अलिबाग न्यायालयाचा निर्णय; राजकीय वर्तुळात खळबळ; नेमकं प्रकरण काय?

SCROLL FOR NEXT