सोनगीरः "आम्ही शिकून जेव्हा मोठे होऊ तेव्हा आपल्या "एबीएफ' ग्रुपचा आदर्श घेऊन अशाच पद्धतीने समाजाची सेवा करू', या चौथीच्या विद्यार्थिनीचे उद्गार ऐकून उपस्थित भावविभोर झाले.

येथील जिल्हा परिषद शाळेत अनेक विद्यार्थी दारिद्य्ररेषेखालील आहेत. त्यांना दोन वेळेचे जेवणही जेमतेम मिळते. तिथे सर्व शैक्षणिक साहित्य असणे अशक्य आहे. या पार्श्वभूमीवर येथील एबीएफ ग्रुपने प्रजासत्ताक दिनानिमित्त येथील जिल्हा परिषदेच्या सर्व शाळांमध्ये शैक्षणिक साहित्याचे वाटप झाले, त्यावेळी एका विद्यार्थिनीने एबीएफ ग्रुपच्या उपक्रमाबद्दल मनोगत व्यक्त केले.

एबीएफ ग्रुपचे सदस्यही फारसे श्रीमंत नाहीत. पण त्यांचे हृदय विशाल असून, पदरमोड करून कोणतीही अपेक्षा न ठेवता सदस्य नियमित सामाजिक उपक्रम राबवीत आहेत. या उपक्रमांतर्गत विद्यार्थ्यांना शैक्षणिक साहित्य मिळाल्याने त्यांच्या चेहऱ्यावरही समाधानाचे हास्य फुलले.

सोने-चांदीच्या दरातील चढ-उतार कायम 

केंद्रप्रमुख रवींद्र खैरनार, मुख्याध्यापिका रेखा पाटील, शिक्षिका विजया पाटील, मुख्याध्यापिका साळुंके, शिक्षिका अनिता देसले, श्रीमती पुराणिक, देशपांडे मॅडम, मुख्याध्यापिका स्मिता बागूल, आशा एंडाईत, ज्योती भामरे, ग्रुपचे पराग देशमुख, नितीन निझर, अमित बागूल, सचिन गवळी, संदीप कासार, राजेश बागूल, मनोज गोल्हार, जितेंद्र बागूल, भूषण कासार, ज्ञानेश्वर महाजन, अशोक माळी, मनोहर धनगर, किशोर पावनकर, संदीप गुजर, अंकित कासार, पराग कासार, योगेश सोनवणे, प्रसाद जैन, सुनील पाटील, सचिन पाटील, दीपक माळी, भूषण बागूल, हेमंत कासार, पराग सोनार, राकेश जाधव, शैलेश चौधरी, सागर पटेल, अमोल बागूल, प्रवीण बागूल, रविराज माळी, रजनीश पाटील, भरत महाजन, कैलास बागूल, कमलेश पाटील आदी उपस्थित होते. शिक्षक महेश ठाकूर यांनी सूत्रसंचालन केले व आभार मानले.