Nandurbar News : उद्योगमंत्री उदय सामंत शुक्रवारी (ता. २०) जिल्हा दौऱ्यावर येत आहेत. शिवसेना जिल्हा मध्यवर्ती कार्यालयाचे त्यांच्या हस्ते उद्‍घाटन करण्यात येणार आहे. त्यानंतर छत्रपती शिवाजी महाराज नाट्यमंदिरात कार्यकर्ते व पदाधिकाऱ्यांची बैठक घेण्यात येणार आहे, अशी माहिती शिवसेनेचे संपर्कप्रमुख तथा माजी आमदार चंद्रकांत रघुवंशी यांनी दिली.(Industries Minister Uday Samant is coming in district nandurbar news )

शुक्रवारी सकाळी अकराला श्री. सामंत नवापूर येथे जनरल पॉलिफिल्म, एमआयडीसीचे भूमिपूजन करतील. साडेअकराला त्याच ठिकाणी जिल्हा मओविम व उद्योग विभागाचा आढावा घेतील. यावेळी टेक्सटाईल इंडस्ट्रिअल असोसिएशनच्या पदाधिकाऱ्यांसोबत चर्चा करतील.

दुपारी बाराला नवापूर येथून मोटारीने प्रयाण करतील. नंदुरबार येथे एकला आगमन व जिल्हा शिवसेना मध्यवर्ती कार्यालयाचे उद्‍घाटन श्री. सामंत यांच्या हस्ते होणार आहे. दीड ते दोनपर्यंत राखीव. दोनला छत्रपती शिवाजी महाराज नाट्यमंदिरात लोकप्रतिनिधी, शिवसेना कार्यकर्ते व पदाधिकाऱ्यांसोबत बैठक होणार आहे.

कार्यक्रमांना जिल्हा परिषद सदस्य, पंचायत समिती सभापती, नगरसेवक, पंचायत समिती सदस्य, सरपंच, विविध संस्थांचे पदाधिकारी व कार्यकर्त्यांनी उपस्थित राहावे, असे माजी आमदार चंद्रकांत रघुवंशी, जिल्हाप्रमुख ॲड. राम रघुवंशी, किरसिंग वसावे यांनी केले आहे.