जळगाव : कष्ट करून तीनही मुलांना उच्च पदावर पोहचविणाऱ्या मातेचे वृद्धापकाळाने निधन झाले. आईला अग्निडाग दिल्यानंतरचा दुसरा दिवस उगवला तो आणखी एक दुःख घेवून. घरातील मोठा मुलगा आणि सेवानिवृत्ती समाजकल्याण अधिकारी एकनाथ गायकवाड यांचे पहाटे हृदयविकाराच्या झटक्‍याने निधन झाले.
लोणी (ता. जामनेर) हे मुळगाव आणि जळगावात स्थायीक झालेले एकनाथर संपत गायकवाड यांच्या मातोश्री बनाबाई गायकवाड यांचे बुधवारी (ता.12) वृद्धापकाळाने निधन झाले. सायंकाळी त्यांच्यावर अंत्यसंस्कार करण्यात आले. अंत्यसंस्कारानंतर दुसऱ्या दिवशीच गायकवाड कुटूंबावर दुसऱ्या दिवसाचा पहाट आणखी एक दुःख घेवून आले. यात एकनाथ गायकवाड यांचे पहाटे चारच्या सुमारास हृदयविकाराच्या झटक्‍याने निधन झाले.
एकनाथ गायकवाड यांना पाटबंधारे अधिकारी आनंदा गायकवाड आणि शिक्षक तथा रंगकर्मी ज्ञानेश्‍वर गायकवाड हे दोन बंधू आहेत. त्यांचे वडील संपत गायकवाड हे खानदेशातील प्रसिद्ध गोंधळ कलावंत. त्यांनी केवळ गोंधळ कलेवर परिवार मोठा केला; तर आईंने त्याच्या खांद्याला खांदा लावत मुलांवर संस्कार केले. खडतर आणि शून्यातून विश्व निर्माण करणाऱ्या माऊलीने तिघा मुलांना व मुलीला उच्चशिक्षित केले. तिघेही भाऊ आपल्या क्षेत्रात प्रसिद्ध आहेत. या माऊलीचे वृद्धापकाळाने निधन झाले. मात्र एकाच दिवसाच्या अंतरावर मोठा मुलगा यांनीही हृदयविकाराच्या झटक्‍याने अचानक जगाचा निरोप घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.