जळगाव : भुसावळ कडून नशिराबाद मार्गे बांभोरीकडे मजुर घेवून येणाऱ्या ट्रक चालकाला लघवी लागल्याने त्याने नशिराबाद गावाजवळ महामार्गाखाली ट्रक उतरवुन थांबवला. रस्त्याच्या कडेला लघुशंका करत असतांना सुसाट वेगात आलेल्या अज्ञात वाहनाने ट्रकचालक संतोष भावलाल नन्नवरे (वय-30,रा. बांभोरी प्र.चा.) यास चिरडल्याने त्याचा जागीच मृत्यू झाल्याची घटना सोमवारी मध्यरात्री नशीराबादजवळ घडली.
नशिराबाद पोलिसांनी दिलेल्या माहिती नुसार, संतोष नन्नवरे हे ट्रकचालकाचे काम करतात. सोमवारी मध्यरात्री 1.30 वाजेच्या सुमारास नशीराबादकडून बांभोरीकडे ट्रकने मजूरांसह परतत होता. यादरम्यान नशीराबादजवळ लघुशंका करण्यासाठी ट्रक उभा केला. यानंतर महामार्गावर लघुशंका करत असतांना महामार्गाहून जाणाऱ्या अज्ञात वाहनाने धडक दिली. या जोरदार धडकेत संतोष दहाफूट दूरवर फेकला गेला होता. त्यांच्या डोक्यांचा गंभीर दुखापत झाल्याने त्यांचा जागीच मृत्यू झाला. सोबत असलेल्या मजूरांच्या लक्षात आल्याने त्यांनी नशीराबाद पोलीसांना संपर्क साधून घटनेची माहिती दिली. याप्रकरणी नशीराबाद पोलीसात अज्ञात वाहनचालकाच्या विरोधात गुन्हा दाखल करण्यात आला आहे. जिल्हा वैद्यकिय महाविद्यालयात शवविच्छेदन करण्यात येवून मंगळवारी सकाळी मृतदेह नातेवाईकांच्या ताब्यात देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.