जळगाव शहरातील उच्चभ्रु वस्तीची सुरक्षा वाऱ्यावर
जळगाव : शहरातील मोहाडीरोड आदर्शनगर, गणपतीनगर हा परिसर उच्चभ्रु वस्ती म्हणून ओळख आहे. परंतू या उच्चभ्रु वस्तीमध्ये चोरट्यांनी धुमाकळू घातला असून सलग चौथ्या दिवशी घरफोडी करून चोरटे पसार झाले आहे. आदर्शनगर परिसरातील लायन्स सभागृहाच्या मागील बाजुस नसीम तडवी यांच्या बंद घरात चोरट्यांनी कडीकोयंडा तोडून आत प्रवेश करत खोल्यांमधील साहित्य अस्ताव्यस्त फेकत चोरट्यांनी
दागिने व रोकड असा साडेतीन लांखाचा ऐवज लंपास केला.
ट्रेझरी ऑफीसर नसीम तडवी लायन्स सभागृहा मागे कुटूंबीयांसह वास्तव्यास आहेत. कामानिमीत्त ते कुटूंबीयांसह यावल येथे सकाळीच गेले होते. रात्री येण्यास उशिर झाला म्हणून तडवी कुटूंबीय तेथेच मुक्कामी थांबले. जळगावच्या घरी महाविद्यालयात शिक्षण घेणारी लहान मुलगी असल्याने ती रात्री नऊ वाजता घरबंद करुन आजीकडे गेली होती. सकाळी येवुन बघीतल्यावर घराच्या मुख्य दाराचा कडीकोयंडा तोडून चोरट्यांनी स्वयंपाक घरासहीत दोन्ही खोल्यातील कपाटांचे दार तोडून आतील दागिने त्यात पेन्डॉल,
अंगठ्या, मंगळसुत्र, कानातले टॉप्स अशा चिजवस्तुसह 15 हजार रुपये रोख असा साडेतीन लाखांचा ऐवज चोरुन नेला. नसीम काझी यांच्या तक्रारीवरुन रामानंदनगर पोलिस ठाण्यात गुन्ह्याची नोंद करण्यात आली आहे.
परिसरात सिसीटीव्ही नाही
शहरातील उच्चभ्रु श्रीमंताचा रहिवास असलेल्या आदर्शनगर परिसरात बहुतांश आपार्टमेंट मध्ये सीसीटीव्ही लावण्यात आलेले नाहीत. कॉलनीतील मुख्य चौकात आणि प्रमुख रसत्यांवर सिसीटिव्ही लावणे आवश्‍यक असुन येणाऱ्या जाणाऱ्यांसह संशयीतांवर नजर ठेवणे सोपे होईल. पोलिसांनी आदर्शनगरातील रहिवाश्‍यांना सीसीटीव्ही बाबत आवाहन केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.